Электр таъминоти ва электр тармоšлари

Кучланишни ўлчаш

1.6.9. Кучланишни ўлчаш, одатда, қуйидагиларда амалга оширилиши керак:

1) алоҳида ишлаши мумкин бўлган, ўзгармас ва ўзгарувчан ток йиғма шиналар секцияларида.
Бир неча ўлчов нуқталарига алмашлаб уланадиган битта асбоб ўрнатишга руҳсат этилади.
Подстанцияларда кучланишни фақат паст томонда ўлчанишига руҳсат этилади, агар юқори томонда кучланиш трансформаторини ўрнатилиши бошқа мақсадлар учун талаб этилмаган бўлса;
2) ўзгармас ва ўзгарувчан ток генераторлари, синхрон компенсаторлар занжирларида, шунингдек алоҳида холатларда маҳсус агрегатлар занжирларида.
Генераторлар ёки бошқа агрегатларнинг автоматлаштирилган ишга тушишида, кучланишни узлуксиз назорат қилиш учун уларга приборларни ўрнатилиши шарт эмас;

3. 
   қуввати 1 МВт ва ундан ортиқ бўлган синхрон машиналарнинг қўзғатишлари занжирларида. Гидрогенераторларнинг қўзғатишлари занжирларида ўлчаш шарт эмас;
   
4. 
   куч ўзгартиргичлари, аккумулятор батареялари, зарядлаш ва зарядлаб олиш қурилмалари занжирларида;
   
5. 
   ёй ўчирувчи реакторлар занжирларида.
   

1.6.10. Уч фазали тармоқларда, одатда, битта фазалараро кучланишни ўлчаш амалга оширилади. Кучланиши 1000 В дан юқори, нейтрали эффектив ерга уланган тармоқларда кучланиш занжирларининг бутлигини назорати учун битта (алмашлаб улагичли) асбоб билан учта фазалараро кучланишни ўлчашга ижозат берилади.
1.6.11. Улардаги кучланиш бўйича энерготизимнинг режими олиб борилаётган электр станциялар ва подстанцияларнинг 110 кВ ва ундан юқори йиғма шиналаридаги битта фазалараро кучланиш миқдори (ёки кучланишни ўрнатилган миқдордан ўзгариши) рўйҳатга олиб борилиши керак.
Изоляцияни назорати

1.6.12. Нейтрали изоляцияланган ёки ёй сўндирувчи реактор орқали ерга уланган 1000 В дан юқори ўзгарувчан ток тармоқларида, нейтрали изоляцияланган 1000 В гача ўзгарувчан ток тармоқларида ва қутблари изоляцияланган ёки ўрта нуқтаси изоляцияланган ўзгармас ток тармоқларида, одатда, фазаларнинг (ёки қутбларнинг) бирини изоляция қаршилиги ўрнатилган миқдордан камайганда, (алмашлаб улагичли) кўрсатувчи асбоб ёрдамида кучланишнинг ассиметрияси назоратга олинган холда сигналга ишлайдиган автоматик назорат қилиниши керак.

Кучланишнинг асимметриясини визуал назорат қилиш мақсадида кучланишларни вақти-вақти билан ўлчаш орқали изоляциянинг назоратини олиб боришга руҳсат этилади.