Elektr energetikasi

Standartlastiriw usillari . Standartlastriwdin’ ken’ tarqalg’an usillari sipatinda birdey qiliwdi (birxillashtirishni), agregatlawdi ha’m tu’rlewdi aliwimiz mumkin (9.1- su’wret). Tap usi usillar ja’rdeminde o’z-ara almasiwshanliqti ta’minlew mumkin.



9.1-su’wret. Standartlastriw usillari.

Birdeylestiriw usili. O`zDST 1.0 – 92 da birdeylestiriw atamasina to’mendegishe ta’rip berilgen:

Birdeylestriw – belgili talapti qandiriw ushin za’ru’r bolg’an en’ maqul o’lshemler sanin yaki o’nim, jag’day ha’m xizmet tu’rlerin tan’law. Buni unifikatsiya depta aytiladi.

Birdeylestiriw en’ u’lken texnikaliq, ekanomikaliq u’nemlikke erisiw ma’qsetinde jan’a jaratiliwlar esabina yaki a’piwayi qisqartiw (simplifikatsiya) esabina a’melge asiriliwi mumkin.

Birdeylestiriwdi tiykarinan 3 da’rejede o’tkeziledi:

-karxana da’rejesi;

-tarmaq da’rejesi;

-tarmaqlar ara da’rejesinde.

Keying waqitlarda xaliq-araliq birdeylestiriw da ken’ rawajlanbaqta.

Birdeylestiriw belgili izbe-izlikte a’melge asiriladi. Birinshi na’wbette onin’ jo’nelisi, tu’ri ha’m da’rejesi belgilenedi. Son’inda, birdeylestiriledigen buyimlardin’ sizilmalari ha’m olardin’ mag’luwmatlari jiynaladi ha’m bul sizilmalar aldina qoyilg’an ma’qsetke ko’re klaslanadi. Kiyin ya jan’a konstruktsiya islep shig’iladi, yamasa a’melde bolg’anlari ishinen basqalarinin’ ornin basiwi mu’mkin bolg’an tan’lanadi.