Электр энергетикада назорат қилиш бўйича давлат инспекцияси ва Ўзбекистон

XXIII боб. «Ўздавэнергоназорат» инспекцияси ходимлари томонидан электр ҳисоблагичлар билан ишлаш
522. «Ўздавэнергоназорат» инспекцияси ходимлари ишлаб турган электр қурилмаларда электр ҳисоблагичлар билан ишларни, хизмат сафаридаги ходимлар ҳуқуқлари билан, мазкур Қоидаларга риоя қилган ҳолда бажаришлари керак.
523. Ток трансформаторига уланган электр ҳисоблагич занжирларидаги ишларни IV ва III гуруҳга эга бўлган ходимлардан ташкил топган бригада бажариши лозим. Бригада аъзоларидан бири сифатида истеъмолчи корхонанинг III гуруҳга эга бўлган ходими жалб қилиниши мумкин.
Агар электр ҳисоблагич занжирида ток трансформаторининг иккиламчи чўлғамига уланган занжирни узмасдан ишлаш имконини берувчи контактлар (блоклар) ўрнатилган бўлса, ушбу ишлар фармойиш бўйича электр ҳисоблагич схемасидан кучланишни олмасдан туриб бажарилиши мумкин. Юқоридаги контактлар бўлмаган тақдирда электр ҳисоблагичдан ток ва кучланиш олиниши шарт.
Узилган уланмаларга қўйилган электр ҳисоблагичларнинг ва тўғридан-тўғри уланган бир фазали электр ҳисоблагичларнинг занжирларида бажариладиган ишлар фармойиш бўйича амалга оширилиши мумкин.
524. Бир хонада жойлашган бир нечта уланмаларга қўйилган элекrр ҳисоблагичлардаги ишлар битта наряд (фармойиш) бўйича амалга оширилиши мумкин. Бир иш жойидан иккинчи иш жойига ўтишни нарядда расмийлаштириш талаб қилинмайди.
525. Одамларни электр токидан шикастланишига нисбатан хавф юқори бўлмаган хоналардаги тўғридан-тўғри уланган бир фазали электр ҳисоблагичлардаги ишларни бир киши, ушбу ҳисоблагичдан кучланишни олмасдан туриб, лекин юкламани олиб ташлаб бажариши мумкин.
526. Кучланиши 1000 В гача бўлган, хизмат қилувчи ходими бўлмаган истеъмолчиларнинг электр қурилмалардаги электр ҳисоблагичлардаги ишларни наряд (фармойиш) билан расмийлаштириш, иш жойини тайёрлаш ва ишлашга рухсат бериш “Ўздавэнергоназорат” инспекциясининг ходимлари томонидан бажарилиши мумкин.
XXIV боб. ҚМТлари ходимларига ишлаб турган электр қурилмаларда
ва электр узатиш линияларининг қўриқланадиган зонасидаги ишларга рухсат бериш