Электр энергетикада назорат қилиш бўйича давлат инспекцияси ва Ўзбекистон

XXII боб. Хизмат сафаридаги ходимлар бажарадиган ишлар

513. Туман энергетика бошқармасининг (бирлашмаси) хизмати ва бўлимлари, «Ўздавэнергоназорат» Давлат инспекцияси, энергетика тизимининг эксплуатация, таъмирлаш ва созлаш корхоналари (электр cтанциялари, электр ва иссиққлик тармоқлари, таъмирлаш заводлари, электр созлаш корхоналари), таъминловчи заводлар, илмий-текшириш инсти­тутлари, «Ўзбекэнерго» ДАКнинг таъмирловчи ва созловчи ташкилотлари, бошқа муассаса ва истеъмолчиларнинг (кейинги матнда хизмат сафарига юбораётган корхона деб юритилади) электр станцияси, электр ёки иссиқлик корхона­ларининг ишлаб турган электр қурилмаларида иш ба­жариш учун юборилган ва ушбу корхонанинг штат рўйха­тига киритилмаган ходимлар - хизмат сафаридаги ходимлар деб ҳисобланади.

Ишлаб турган электр қурилмаларда ишлаш учун юборилган қурилиш-монтаж ташкилотларининг (бундан кейин ҚМТ) хо­димлари ҳам хизмат сафаридаги ходимлар қаторига кири­тилади. Бу ходимларни хизмат сафаридаги ходимга тенглаштириш тўғрисидаги қарор, электр қурилмала­рини эксплуатация қилувчи корхонанинг раҳбарияти билан келишган ҳолда, қурилиш-монтаж ташки­лотининг бош муҳандиси томонидан қабул қилинади.
514. Хизмат сафаридаги ходимнинг электр қурилмаларда ишлашиши учун рухсат бериш мазкур Қоидаларга мувофиқ амалга оширилади. Хизмат сафаридаги ходимларда хизмат сафарига юборган корхона (ташкилот) томонидан берилган мазкур Қоидалар бўйича билими текширилган ва электр хавфсизлиги бўйича малака гуруҳига эга бўлганлиги ҳақида расмий шаклдаги гувоҳнома бўлиши шарт.
515. Хизмат сафарига юбораётган корхона иш раҳбари, ишбоши, назорат қилувчи ва бригада аъзолари қилиб тайинланиши мумкин бўлган ходимларни, шунингдек узоқ муддатли ишларга наряд бериш ҳуқуқи берилган ходимларни ёзма равишда кўpсатиши зарур.
516. Ишлаб турган электр қурилмаларда хизмат сафаридаги ходимларга иш раҳбари, ишбоши ва бригада аъзолари сифатида ишлаш ҳуқуқининг тақдим этилиши, электр қурилмаларини эксплуатация қилувчи корхона раҳбария­ти хизмат сафарига юборган корхонанинг хатига қўйган кўрсатмаси ёки махсус ёзма кўрсатма билан рас­мийлаштирилиши мумкин. Наряд ва фармойиш бериш ҳуқуқи эса электр қурилмаларини эксплуатация қилувчи корхона раҳбариятининг ёзма кўрсатмаси билан расмийлаштирилиши шарт.
517. Хизмат сафаридаги ходим, хизмат сафарига келган корхонадаги иш бажариш керак бўлган жойдаги электр қурилмаларнинг хусусиятларини ҳисобга ол­ган ҳолда электр хавфсизлиги бўйича йўpиқнома олиши шapт. Наряд берувчи, иш раҳбари ва ишбоши вазифасини бажариш ҳуқуқи тақдим этилган ходимлар ушбу электр қурилмаларининг чизмалари бўйича ҳам йўpиқнома олишлари зарур.
Йўpиқнома, йўриқномаларни қайд қилиш журналида йўриқнома олган ва йўл-йўpиқ берган ходим­нинг имзолари билан расмийлаштирилади.
518. Хизмат сафаридаги ходимларга йўpиқномани эксплуатация корхонасининг V гуруҳига эга бўлган маъмурий техник ходими ёки IV гуруҳга эга бўлган нав­батчи ёки тезкор-таъмирлаш ходими бериши лозим.
Йўpиқноманинг мазмуни бажарилиши керак бўлган ишнинг тавсифи, электр қурилмаларини чизма­си, ишнинг мураккаблиги ва хусусиятига қараб йўл-йўpиқ берувчи ходим томонидан белгиланади.
519. Хизмат сафарига юборган корхона хизмат сафаридаги ходимларнинг электр хавфсизлиги гуруҳига ва уларга берилган ҳуқуқларга лойиқ эканли­гига ва ходимлар мазкур Қоидаларни бажаришлари учун жа­вобгардир.
520. Хизмат сафаридаги ходимлар электр қурилмаларида ишлаётган корхона ходимларнинг ишчи электр то­кидан ва ишлаб турган электр қурилмалари таъсиридан ҳосил бўладиган кучланиш­дан ҳимоясини таъминловчи хавфсизлик чораларининг бажарилиши учун жавобгардир.
521. Электр қурилмалари ихтисослаштирилган таъмирлаш ташкилотларининг участкалари томонидан доимо эксплуатация қилина­диган корхона, бу ташкилотлар билан келишган ҳолда, участка ходимлари «Энер­гетика корхоналари ва ташкилотларида ходимлар би­лан ишни ташкил қилиш бўйича раҳбарий кўрсатма»га асосан тайёрлан-ганидан сўнг, уларга тезкор-таъмирлаш ходими хуқуқини тақдим этиши мумкин.