Электр энергетикада назорат қилиш бўйича давлат инспекцияси ва Ўзбекистон

§ 6. ҲЛ нинг йўл билан кесишган ва йўлга
яқин участкаларидаги ишлар

371. ҲЛларининг транспорт магистраллари (темир йўллар, кема қатновчи дарёлар ва каналлар) билан кесишган участкаларида иш олиб бориш учун вақтинча транспорт ҳаракатини тўхтатиш ёки транспорт ҳаракати туфайли ҲЛларидаги олиб борилаётган ишни тўхтатиб туриш талаб қилинса, наряд берувчи ходим иш жойига транспорт магистраллари ҳаракати хизмати вакилини чақириши керак. Транспортларни ўтказиб юбориш учун халақит бераётган симлар хавфсиз баландликка кўтариб қўйилиши зарур.

372. ҲЛни асосий ва қишлоқлараро йўллар билан кесишган ёки уларга бевосита яқинлашган участкаларида иш олиб борилса, ишбоши транспорт ҳайдовчиларини огоҳлантириш ёки транспорт ҳаракатини тўхтатиш учун асосий ва бошқа йўлларга белгиланган тартибда сигнал берувчиларни қўйиши шарт. Зарур бўлганда Давлат автомобил назорати вакили чақирилиши мумкин.
Сигнал берувчилар йўлни ҲЛ билан кесишган ёки яқинлашган жойидан ҳар икки томонда 100 метр узоқликда туришлари ва кундузи қизил байроқчаларга, кечаси эса қизил чироқларга эга бўлишлари керак.


§ 7. Кўчани ёритиш тармоқларидаги ишлар
373. Қуйидаги ҳолларда кўчани ёритиш тармоқларини ўчирмасдан фармойиш бўйича ишлашга рухсат берилади:
ёритгичлари симдан пастга ўрнатилган қайта ерга улагич сими билан жиҳозланмаган ёғоч таянчларда ёки ёғоч нарвон қўйиб ишлаган ҳолларда;
изоляцияловчи бўғини бўлган телескопик миноралардан фойдаланилганда.
Бошқа ҳамма шароитларда ишлар наряд бўйича бажарилиб, таянчдаги барча симлардан кучланиш олиниши ва ерга улагич ўрнатилиши керак.
374. Газ разрядли лампаларни ишга тушириш-созлаш аппаратларида иш олиб бориш учун, ушбу аппаратларни умумий тармоқдан ўчиришдан аввал, лампани умумий тармоққа уланган сими бўшатиб олиниши ва статик конденсаторлар (электрсизлан-тириш резисторлари бўлишидан қатъий назар) электрсизлантирилиши керак.


§ 8. Турли ишлар

375. Ердан изоляция қилинган, момақалдироқдан ҳимоя қилувчи тросга тушган ерга улагични улаш ва узишдан олдин, трос аввал ерга уланиши зарур.

376. ҲЛларидаги кесими 240 мм² кам бўлмаган симларда ва кесими 70 мм² тросларда одамларнинг сим ва трос бўйлаб ҳаракат қилишларига рухсат этилади.
Ҳар бир фазаси кокилларга бўлинган сим ва трослар бўйлаб ҳаракат қилганда, ходимнинг ҳимоя камари арқонини уларга, махсус аравачалар ишлатилган тақдирда эса, аравачага маҳкамлаш зарур.