Электр қаршилик

ВОЛЬТ - АМПЕР ХАРАКТЕРИСТИКАЛАРИ
Қаршилик орқали оқаётган токнинг шу қаршилик кучланишига боғлиқлик графиги ВОЛЬТ - АМПЕР ХАРАКТЕРИСТИКАЛАРИ (ВАХ) дейилади. Одатда графикда абцисса ўқига КУЧЛАНИШ, ордината ўқига эса ТОК миқдори қўйилади. Чизиқли ВАХ га эга бўлган қаршилик ЧИЗИҚЛИ ҚАРШИЛИК деб аталади, фақат чизиқли қаршиликка эга бўлган электр занжирлар ЧИЗИҚЛИ ЭЛЕКТР ЗАНЖИРЛАР дейилади. Чизиқли қаршилик, чизиқли конденсатор ва чизиқли индуктивлик характеристикалари
ЭЛЕКТР ЗАНЖИРЛАРНИНГ ТОПОЛОГИК ХАРАКТЕРИСТИКАЛАРИ
Электр занжирлари умумий ҳолда ШОХОБЧАЛАР, ТУГУНЛАР ВА КОНТУРЛАРДАН иборат бўлади.
Электр занжири схемасининг ШОХОБЧАСИ деб занжирнинг шундай қисмига айтиладики, унинг ихтиёрий бўлагида токнинг миқдори доимо бир хил бўлади.
ШОХОБЧА таркибида ихтиёрий миқдордаги кетма-кет уланган қаршилик, конденсатор, индуктивлик элементлари, ЭЮК манбалари бўлиши мумкин. Бунга мисол сифатида расмда келтириш мумкин.
Электр занжирининг ТУГУНЛАРИ деб шохобчаларнинг камида учтаси уланган нуқталарига айтилади. Тугун электр схемасида нуқта билан белгиланади. МИСОЛ ТАРИҚАСИДА УШБУ РАСМЛАРНИ КЕЛТИРИШИМИЗ МУМКИН ТУГУНЛАРИ
Электр занжири КОНТУРИ деб, бирнеча кетма кет шохобчалар орқали ўтган ихтиёрий берк йўлга айтилади.
ЗАНЖИРЛАРНИ КЕТМА-КЕТ ВА ПАРАЛЕЛ УЛАШ
Электр занжири қисмларининг КЕТМА-КЕТ улангани деб шундай уланишига айтиладики, унда занжир шу бўлагининг ҳар бир қисмидан оқаётган ток бир бирига тенг бўлади.
Электр занжири элементларининг ПАРАЛЛЕЛ уланиши деб шундай уланишга айтиладики, унда барча элементлар (шохобчалар) занжирнинг бир жуфт тугунларига уланади ва барча элементлардаги (шохобчалардаги) кучланишлар бир хил бўлади.

Электр занжирларининг асосий элементларига электромагнит энергияси манбалари (қисқалик учун электр манбалари), электромагнит энергияни узатиш, қайта ишлаш ва қабул қилувчи қурилма-лар киради. Электромагнит энергиясининг манбаларига энергиянинг у ёки бу туридан – иссиқлик, кимъёвий, ядро, қуёш, шамол, механик ҳаракат энергияси ва ҳ.к. – электромагнит энергиясига айлантирувчи генератор қурилмалари киради. Буларга, масалан, айланувчи электр генераторлари, гальваник элементлар, аккумуля-торлар, термоэлементлар ва ҳ.к. киради.