ƏLƏKBƏr MƏMMƏdov ceyhun yusifov iLqAr Seyfullayev vergİ

Vergİ VƏ TƏrƏqqİ

---

dəyəri” anlayışından da istifadə olunur. Yaşayış dəyəri tələbat -
ların ödənilməsinin müəyyən səviyyəsinin təmin edilməsi üçün
tələb olunan istehlak predmetlərinin məcmu dəyəri kimi qiymət -
lən dirilir. Başqa sözlə, yaşayış dəyəri əhalinin istehlak  etdiyi
müəyyən nemətlərin və xidmətlərin pulla ifadə olunmuş qiyməti -
dir. Belə yanaşmadan məlum olur ki, yaşayış dəyəri həm əhalinin
istehlakının strukturunda və həcmində dəyişikliklərlə, həm də
qiymətlərin dinamikasının təsiri ilə dəyişə bilər.  Buna görə də,
həyat  səviyyəsinin  qiymətləndirilməsi  üçün  yalnız   nominal
qiymətlərdən deyil, eyni zamanda real qiymətlərdən də (nümunə
üçün,  istehlak  qiymətləri  indeksi  nəzərə  alınmaqla)  istifadə
 olunur. 
İqtisadi ədəbiyyatda qeyd olunan yanaşmalarla bərabər, həyat
səviyyəsinin kompleks, coxcəhətli qiymətləndirilməsi üsullarına
da  rast  gəlmək  olar.  Bu  yanaşmalarda  həyat  səviyyəsinin
müəyyən edilməsi üçün əhalinin mənzil təminatı, səhiyyə, təhsil
və asudə vaxtın keçirilməsi kimi xidmətlərin inkişaf səviyyəsi,
ekoloji vəziyyət kimi göstəricilərdən istifadə olunur.
Qeyd olunan yanaşmaların müxtəlifliyini nəzərə alaraq həyat
səviyyəsi  kateqoriyasının  tədqiqinin  aşağıdakı  müddəalar
üzərində aparılmasını təklif etmək olar:
•  Insanların  nemətlərə  tələbatının  ödənilmə  səviyyəsi  və
inkişafı;
• Insanların tələbatların ödənilməsi üçün zəruri olan  nemət -
lərlə təminatı.