ƏLƏKBƏr MƏMMƏdov ceyhun yusifov iLqAr Seyfullayev vergİ

1.2. Vergitutma nəzəriyyələrində ədalətlilik, 
bərabərlik və qanunilik prinsipi
İqtisadi proseslərə fərqli mövqelərdən yanaşma iqtisad elmi -
nin bütün sahələrində olduğu kimi, vergitutma nəzəriyyələrində
də öz əksini tapmış, onun əsas müddəalarının və prinsiplərinin
məzmununda  müxtəlif  formalarda  təzahür  etmişdir.  Müasir
dövrdə də davam etməkdə olan bu prosesin gələcək meyilləri
barədə fikir və mülahizələr həm nəzəri, həm də praktiki baxım -
dan xüsusi maraq doğurur. Bu baxımdan, vergitutmanın, onun
prinsiplərinin təkamülünün tədqiqi və bu əsasda mülahizələrin
irəli sürülməsi əhəmiyyətli hesab oluna bilər.   
Vergilərin meydana gəlməsi tarixindən fərqli olaraq, vergilə -
rin və vergitutmanın nəzəri əsaslandırılması tarixi o qədər də
qədim deyil. Vergilər haqqında XVII əsrə qədər mövcud olan
təsəvvürlərin sistemsizliyi onların ciddi nəzəri tədqiqatlara aid
edilməsinə imkan vermir. XVII əsrdə müvəqqəti və fövqəladə
vergilərin müntəzəm və ümumi ödənişlərlə əvəz edilməsi  pro -
sesi başlanmışdır. Belə yanaşma dövlətdən və iqtisad elmindən
vergilərin nəzəri əsaslandırılmasını tələb edirdi. Ona görə də,
28