Эластиклик, пластикли ва қовушқОҚ эластик назарияси фанидан намунавий дастур 5А340210-«Қурилиш йўналиши»

1.2. Фан бўйича талабаларнинг билимига, ўқувига ва кўникмасига қўйиладиган талаблар.
Дастур "Эластиклик пластиклик ва қовушқоқ эластик" назариянинг асосий бўлимларини ўз ичига қамраб олган.
Фанни ўрганиш жараёнида талаба механиканинг асосий тушунчалари ва қонунлари, ҳамда шу қонунлардан келиб чикқадиган деформацияланувчи қаттиқ жисмнинг мувозанати ва ҳаракатини аниқлаш усулларини билиши, олган билимини масалаларини ечиш ва амалиётга тадбиқ эта олиши талаб этилади.
Мазкур ўқув дастури техника олий ўқув юртларининг қурилиш йўналишида таълим олаётган ва магистрларга мўлжалланган.
1.3. Ўқув режасидаги бошқа фанлар билан алоқаси.
Эластик ва пластик назарияси фанини ўзлаштиришда талабалар олий математиканинг барча бўлимларини, назарий механика, материаллар қаршилиги ва бошқа фанларни чуқур ўзлаштишши талаб этилади.
Ҳозирги кунда эластиклик ва пластиклик назарияси замонавий талаблар қўйилмокда, жумладан: жисмларни электромагнит, иссиқлик, ёруғлик ва химиявий хусусиятларга эга бўлган кучлар таъсирида кучланиш деформация ҳолатини ўрганиш шу куннинг долзарб масалаларига айланиб бормокда.
1.4. Фанни ўқитишдаги янги технологиялар.
Кейинги вақтларда эластиклик ва пластиклик назарияси ва шунга ўхшаш бошқа фанларни ўзлаштиришда векторлар хисобидан фойдаланиш мақсадга мувофик хисобланади. Векторлар хисобидан фойдаланиш турли формулаларни осон ифодалаш уларнинг физик маъносини яққол ифодалаш имконини беради. Эластиклик ва пластиклик назарияси масалаларини ечишда ЭҲМдан фойдаланиш ҳозирги замом талабларига ҳар томонлама жавоб бериш билан, мақсадга мувофиқдир. Бу мухандислик масалаларини қисқа муддатда аниқ ва сифатли бажариш имкониятини бериб, уни кўп вариантли асосда олиб бориш имкониятини беради.
1.5. Дастур хақида маълумот.
Ўқув дастури эластиклик пластиклик ва қовушқоқ-эластик назариянинг асосий қисм сифатида ўтиладиган мавзулар, қўшимча мавзу ва масалалар, ўқитиш жараёнида талабалар томонидан мазкур фандан мустақил бажариш учун режалаштирилган ҳисоблаш график ишлари, курс ишлари, уйга вазифа ишларининг мазмуни, курс бўйича иш дастурларини тузиши дарс ўтиш услуби, фойдаланилган адабиётлар рўйхати тузилади.