Экономическая газета #130(2757)

— Аукционга ерлар ҳам қўйилган, 
лекин баъзиларининг нархи баланд 
бўлгани учун тадбиркорлар сотиб 
ололмаяпти?
— Юқори баҳоланган объектларнинг 
борлиги энг катта муаммоларимиздан
бири эди. Жорий йилнинг 5 сентябридан 
баҳолашнинг халқаро стандартларига 
ўтилди. Ҳозир кўпдан бери сотилмаётган 
объектларнинг бошланғич нархини бо-
зор қийматига яқинлаштириб, қайтадан 
баҳоланади ва қайта савдога қўйилади.
— Аукционда иштирок этиб, қону-
ний равишда объектни олган, лекин 
маълум муддат ўтгач, мулк эгаси ишни 
юргиза олмаслигини тушуниб етса, у 
объект қайта аукционга қўйиладими?
— Агар инвестиция мажбурияти 
вақтида бажарилмаган ёки сифатсиз ба-
жарилган бўлса, у объект қайтариб оли-
нади ва қайта аукционга қўйилиши мум-
кин. Чунки, объект айни шу инвестиция 
мажбурияти эвазига сотилган. Аммо, 
тадбиркор ким ошди савдосида қатна-
шиб, пул тўлаб, объектни олган бўлса, 
у мулк эгаси бўлса, ушбу объектни ҳеч 
ким қайтариб ололмайди. Лекин расмий-
лаштиришдаги хатоликлар туфайли ҳам 
шундай ҳолатлар бўлиши мумкин. Ҳозир-
да бу борадаги жараённи такомиллашти-
риш ишлари амалга оширилмоқда.
— Сотиладиган ёки аукционга 
қўйиладиган объектларнинг энг кўп 
қисми қайси ҳудудларга тўғри келади?
— Кўп қисми асосан Тошкент шаҳри 
ва Тошкент вилояти ҳиссасига тўғри ке-
лади. Шу ўринда таъкидлаш керакки, 
фармон бевосита давлат объектларини 
қамраб олган. Лекин, нисбий давлат объ-
ектлари ҳам бор. Яна юқоридаги мисолга 
қайтамиз, Қўқон механика заводининг 
қуйи корхонаси, қандайдир цехи ёки 
базаси мавжуд бўлиб, аммо бўш турган 
бўлиши мумкин. Бўш ётган, самарасиз 
ишлатилаётган объектлар билан ишлов-
чи марказ ташкил этилган. Ушбу марказ 
томонидан бундай объектларни топиш, 
тегишли чораларни кўриш ишлари дои-
мий равишда олиб борилади. Бундай 
объектлар республикамизнинг ҳар бир 
ҳудудида бор. Келгусида уларнинг ҳамма-
си эгасини топиб, ишлаб кетиши керак. 
Яна бир жиҳат шуки, бир объект илгари 
хусусийлаштирилган, унинг эгаси, мулк-
дори бор, лекин у мазкур объектдан фой-
даланмасдан ушлаб турибди. Бу сингари 
ҳолатларга қарши чораларни қўллаш қо-
нунчилигимизда кўзда тутилган, яъни 
уларга нисбатан юқори солиқ ставкаси 
жорий этилади. Агар мулкдор объект-
да ишлаб чиқаришни йўлга қўймаса, иш 
ўрни яратмаса, демак у юқори миқдорда 
солиқ тўлашига ёки ундан фойдаланиши-
га ёхуд сотишига тўғри келади. Лекин 
ҳозирги тадбиркорларнинг савияси, онги 
юксалиб бормоқда. Фақат тушунтириш 
ишларини олиб борсак, уларга кўмак бе-
риш механизмларидан оқилона фойда-
лансак мақсадга мувофиқ бўлади. Ҳозир-
да йўлга қўйилган хусусийлаштиришдан 
кейинги жараён айни шу йўналишда кў-
маклашишга қаратилган.