Экономическая газета #130(2757)

П
резидентимизнинг 
жорий йил 27 ок-
тябрдаги “Давлат 
иштирокидаги корхоналарни 
ислоҳ қилишни жадаллашти-
риш ҳамда давлат активлари-
ни хусусийлаштиришга оид 
чора-тадбирлар тўғрисида”-
ги фармони қабул қилингач, 
унинг ижросини таъминлаш 
механизмлари, белгиланган 
вазифаларнинг амалий жиҳат-
лари давлатимиз раҳбари раис-
лигида ўтган видеоселекторда 
атрофлича муҳокама этилди.
Президентимиз 
томонидан
олдин ҳам хусусийлаштириш 
бўйича кўплаб қарорлар қабул 
қилингани, лекин бирорта раҳ-
бар бу соҳадаги билим ва мето-
дикани жойларга етказмагани 
сабабли кўплаб корхона ва объ-
ектлар сотилмасдан тургани, 
улар на давлатга, на тадбиркорга 
наф келтирётгани таъкидланди. 
Шулардан келиб чиқиб, аҳоли ва 
тадбиркорларга батафсил маъ-
лумот берадиган хусусийлашти-
риш маслаҳат клиникалари 
ҳамда колл-марказ ташкил этиш, 
методик қўлланма тайёрлаб, 
жойларга етказиш муҳимлиги, 
шунингдек, телевидение орқа-
ли хусусийлаштириш борасида 
маълумотлар мунтазам равишда 
бериб борилиши айтилди. Ушбу 
вазифаларни бажариш мақсади-
да, ҳозирда соғломлаштириш ва 
хусусийлаштириш клиникаси ўз 
ишини бошлади ва ҳафтанинг 
ҳар бир иш кунида, бир соат 
давомида телевидение орқали 
атрофлича маълумотлар бери-
либ, фуқаролар ва тадбиркор-
ларнинг саволларига жавоб қай-
тарилмоқда. Мазкур клиникада
дастлаб Давлат активларини 
бошқариш агентлиги директо-
ри Сунатулла Бекенов иштирок 
этиб, давлат корхоналарини ис-
лоҳ қилиш ва хусусийлаштириш
йўлларига тўхталиб ўтди ва са-
волларга жавоб берди.
— Мазкур фармон маз-
мун-моҳиятига тўхталиб, шуни 
таъкидлаш керакки, унда аввало 
давлат корхоналарини ислоҳ қи-
лиш, ундан кейин хусусийлашти-
риш тўғрисида гап кетаяпти. 
Яъни, хусусийлаштириш асл 
мақсад эмас, у давлат корхонала-
рини ислоҳ этишнинг бир йўли, 
асосий механизми ҳисобланади. 
Фармон тузилмавий жиҳатдан 
бир нечта йўналишдан иборат. 
Биринчидан, 32 та республика 
аҳамиятига молик ва иқтисо-
диётнинг бошқа тармоқларига 
таъсир қиладиган йирик компа-
ния трансформация қилинади. 
Иккинчидан, 39 та давлат кор-
хонасида корпоратив бошқа-
рувнинг илғор механизмлари 
жорий этилади. Демак, 71 та 
давлат корхонаси трансформа-
ция қилиниб, замонавий бошқа-
рув асосида ривожлантирила-
ди, хусусийлаштириш масаласи 
кейинчалик кўрилиши мумкин. 
Учинчидан, 62 та йирик давлат 
корхонаси хусусийлаштирилади, 
улар республика аҳамиятидаги 
субъект бўлгани учун, ҳар би-
рига хорижий консультантлар 
жалб қилиниб, чуқур ўрганилади 
ва жараёнга тайёрланади ҳамда 
хусусийлаштиришга киришила-
ди. Бундан ташқари, 479 та дав-
лат корхонаси тўлиқ ва тезкор-
лик билан хусусийлаштирилади. 
Шу ўринда тезкорлик деганда 
шошиб эмас, балки уларнинг ҳар 
бирига қонунчиликда белгилан-
ган тартибда алоҳида ёндашган 
ҳолда ҳаракат қилинишини ту-
шуниш керак. Яна 15 та йирик 
компанияга алоҳида эътибор бе-
рилган тарзда хусусийлаштириш 
ишлари олиб борилади. Шунинг-
дек, фармонда яна битта вазифа 
юклатилган. Бугунги кунда рес-
публикамизда самарасиз ишла-
тилаётган ёки умуман фойда-
ланилмаётган жами майдони 5 
минг кв.метргача бўлган кичик 
объектлар бор. Уларни ҳам тез-
лик билан оммавий савдоларга 
чиқариш вазифаси маҳаллий ҳо-
кимиятларга берилган. Биламиз, 
давлат мулки – бу халқ мулки. 
Шу боисдан фармон ижросини 
таъминлашга очиқ ва шаффоф 
ҳолда ёндашишимиз, бу ишни 
халқ билан бамаслаҳат олиб бо-
ришимиз керак. Шунинг учун
соғломлаштириш ва хусусий-
лаштириш клиникаси очилди. Бу 
амалга оширадиган ишларимиз 
ва қўядиган ҳар бир қадамимиз 
ҳақида кенг жамоатчиликни ха-
бардор қилиб бориш имконини 
яратиши билан муҳим аҳамият 
касб этади.