|
3-bob
Xulosa va takliflar
Bugungi kunda milliy iqtisodiyotni modernizasiyalashda korxonalar moliyaviy faoliyati alohida o‘rin tutadi. Shu bois, ular faoliyati samaradorligini ta'minlashga ko‘maklashish, korxonlarning mamlakat iqtisodiyoti barqarorligini ta'minlashdagi rolini oshirish jarayonida faol ishtirokini ta'minlash hamda shart-sharoit yaratish davr talabi hisoblanadi. Bu borada muhtaram Prezidentimiz I.A. Karimovning: “... jahon bozorida teng raqobatlasha oladigan va keyingi bosqichda iqtisodiy o‘sishning, iqtisodiyotni yanada modernizasiya va diversifikasiya qilishning lokomotiviga aylanishi mumkin bo‘lgan tarmoq va korxonalarni jadal rivojlantirish hamda aniq yo‘naltirilgan holda qo‘llab-quvvatlashni ta'minlash zarur”[1] – deya ta'kidlab o‘tganliklari fikrimizning isboti bo‘la oladi, albatta. Korxonalar faoliyati samaradorligini ta'minlashda korporativ strategiyani shakllantirish va amalga oshirish istiqbolli moliyaviy rejalashtirishning asosi bo‘lib xizmat qiladi. Bunda korxonalar miqyosida moliyaviy strategiyani shakllantirish uchun, avvalo, moliya strategiyasining mohiyati, prinsiplarini tashkil etish bosqichlari va bu borada e'tibor qaratish lozim bo‘lgan jihatlarni o‘rganib chiqishni zarurat qilib qo‘yadi. Shundan kelib chiqqan holda xo‘jalik sub'ektlarida moliya strategiyasini ishlab chiqish va amalga oshirish yuzasidan izlanishlar olib borgan olimlardan Rossiyalik iqtisodchi olim I.A. Lisovskaya kompaniya moliyaviy strategiyasini korxonalar moliyaviy rivojlanishiga salbiy ta'sir etuvchi omillarni neytrallashtirish va korxonaning real imkoniyatlarini boshqarib borish vositasi sifatida izohlaydi. Yana bir iqtisodchi olim N.V. Bobkov tomonidan esa moliyaviy strategiya tushunchasi kengaytirilgan ma'noda va qat'iy yo‘naltirilgan ma'noda ochib berilgan. Ya'ni bunda qat'iy yo‘naltirilgan moliyaviy strategiya moliyaviy natijaga erishish uchun moliyaviy faoliyatni tashkil etishning aniq maqsad va vazifalari tizimini o‘zida aks ettiradi. Moliyaviy strategiyaning kengaytirilgan ma'nosi esa moliyaviy strategiyani bevosita boshqa funksional strategiyalar (investision, marketing, ishlab chiqarish va boshqalar) bilan o‘zaro bog‘liqlikda ekanligi bilan izohlanadi[3]. Shuningdek, ukrainalik iqtisodchi olim I.A.Blank tomonidan “Moliyaviy strategiya korxonaning muhim funksional strategiyalaridan biri bo‘lib, tashqi vositalar o‘zgaruvchanligi sharoitida uzoq muddatli moliyaviy maqsadlarni shakllantirish, ular muvaffaqiyatini ta'minlashning eng samarali yo‘llarini tanlash, moliyaviy resurslarni shakllantirish va ulardan foydalanish yo‘nalishlarini korrektirovka qilish yo‘lida moliyaviy faoliyat va moliyaviy munosabatlarni rivojlantirishning barcha asosiy yo‘nalishlarini ta'minlashni o‘zida aks ettiradi”[4], deya izohlanadi.
1-rasm. Korxonalarning iqtisodiy rivojlanishini ta'minlashda moliyaviy strategiyaning ahamiyati Manba: Muallif tadqiqotlari asosida tuzilgan. Ishlab chiqilgan moliyaviy strategiya korxonaning umumiy tashkiliy boshqaruv tuzilmalari va tashkiliy madaniyatini strategik o‘zgartirishning dastlabki asoslaridan biri sifatida namoyon bo‘ladi
Moliyaviy strategiya tizimida muhim moliyaviy boshqaruv qarorlarini aniq mezonlar asosida baholash imkoniyati shakllanadi
Korxonada eng muhim strategik moliyaviy qarorlar ijrosini moliyaviy mentalitetga muvofiqlikda amalga oshirishni ta'minlaydi
Aniq moliyaviy strategiya korxona moliyaviy faoliyatini strategik, joriy va operativ boshqarishdagi o‘zaro bog‘liqlikni ta'minlaydi
Korxonaning moliyaviy faoliyatini uning raqobatchilari bilan solishtirish orqali afzallik jihatlarini taqqoslash imkoniyatini beradi
Moliyaviy strategiya ishlab chiqish nazorat qilinmagan korxonalar rivojlanishining mumkin bo‘lgan variantlarida ta'sir qiluvchi tashqi omillarni hisobga oladi va korxona faoliyati uchun salbiy oqibatlarni minimum darajaga pasaytirish imkonini beradi
Moliyaviy strategiya tashqi omillarning tezkorlik bilan o‘zgarishi jarayonida paydo bo‘ladigan yangi istiqbolli investision imkoniyatlarni tezkor amalga oshirish imkoniyatini ta'minlaydi
Moliyaviy strategiya korxonaning real moliyaviy imkoniyatlarini baholash, ichki moliyaviy imkoniyatlardan maksimal foydalanishni va moliyaviy resurslar tezkor aylanuvchanligini ta'minlash bo‘yicha chora-tadbirlar ishlab chiqish imkonini beradi
Ishlab chiqilgan moliyaviy strategiya yaxlit korxona va uning alohida tarkibiy bo‘linmalari oldiga qo‘yilgan iqtisodiy va ijtimoiy rivojlanishning uzoq muddatli umumiy va moliyaviy maqsadlarni amalga oshirish mexanizmini belgilab beradi
Do'stlaringiz bilan baham: | 
