EignuyBaxrax axH0BA9II1ldAP

Ўқувчиларни қабул қилиш тартиби.

Корхона эгаси ўқувчилар (ўқувчиликка номзод)ни қабул қилишдан олдин қуйидагилар ҳақида аниқ қарор қабул қилиши лозим:

• 
  Ўқувчи қандай гувоҳномага эга бўлиши керак?
  
• 
  Қайси фанлар бўйича яхши баҳоларга эга бўлиши лозим?
  
• 
  Ўқувчи бўлажак касби учун қандай хусусиятларга эга бўлиши муҳим (мисол учун, ҳунармандчилик касби бўйича маҳорат)?
  

Корхоналар ўқувчиликка номзодларни топиш учун бандлик агентлиги ёрдамига мурожаат қилиши ёки газетада эълон бериши мумкин. Корхона эълон беришдан олдин ўқувчиликка номзодларга қандай талаблар қўйилишини аниқ белгилаб олиши лозим.
Корхона номзодларнинг касб-ҳунар таълими жойига бўлган биринчи муносабатини юборилган ҳужжатлар папкасидан билиб олади. Ҳужжатлар папкаси номзоднинг таржимаи ҳоли, аризасининг қисқача мазмуни, мактабни битирганлик ҳақида гувоҳнома, бошқа гувоҳнома ва маълумотлардан иборат. Номзодларнинг ҳужжатлар папкаси сони кўпайиб кетган тақдирда, корхона дастлабки танловни ўтказиши мумкин. Улар одатда номзодлар билан суҳбат ёки қўшимча танлов тестини ўтказади.
Одатда номзодлар билан суҳбат давомида корхонанинг эгаси, ишлаб чиқариш таълим устаси, катта фирмаларда кадрлар бўлими бошлиғи ва касб-ҳунар таълимига масъул бўлим бошлиғи қатнашади. Бундай суҳбатларни ўтказиш учун корхона олдиндан тайёргарлик кўриши лозим. Иш берувчи номзодларни яқиндан билиб олиши учун қандай саволларни беришни ўйлаб олиши керак.
Кўпинча улар қуйидаги саволларни номзодлар билан ўтказиладиган суҳбатда беради:

• 
  Нима учун бу касбни танладингиз?
  
• 
  Нима учун бизнинг корхонада таълим олишни хоҳлайсиз?
  
• 
  Сиз 5 йилдан кейин бўлажак меҳнат фаолиятингизни қандай тасаввур қиласиз?
  

Суҳбат давомида номзодлар ҳам саволлар бериши мумкин. Суҳбат натижаси номзод ҳақидаги фикрлардан келиб чиқилади ва шу тариқа ҳамкорликда самарали танлов ўтказилади.
Юқоридагилардан келиб чиққан ҳолда қуйидаги 6-9-слайдларда касб-ҳунар таълимидаги ўқувчиларнинг мактаб таълими, ўқувчиларнинг таълим соҳаларга қараб тақсимланиши, ўғил ва қиз болалар энг кўп эгаллайдиган 10 та касблар тўғрисидаги маълумотлар келтирилган.