EignuyBaxrax axH0BA9II1ldAP

STEM мактаб дастурларига қўшимча сифатида.

STEM дастурлари 7-14 ёшдаги ўқувчиларнинг муттасил равишда ўтказиладиган машғулотларга қизиқишларини орттиради. Масалан, физика дарсларида ернинг тортишиш кучи ўрганилганда доскада формулаларни ёзиш тушунтирилса, STEM тўгаракларида ракеталар, самолётлар, электртехник ишлари, робототехника, халқ ҳунармандчилиги ва бошқа амалий ишларни бажариш орқали ўз билимларини мустаҳкамлайдилар.

Назорат саволлари

1. 
   STEM таълимини босқичма-босқич амалиётга жорий этиш қайси меъёрий ҳужжатларда ўз аксини топган?
   
2. 
   STEM таълимий ёндашувдан кутилаётган мақсад нималардан иборат?
   
3. 
   STEM атамаси илк бор қайси давлатнинг мактаб дастурига киритилган?
   
4. 
   STEM атамасининг луғавий маъноси нима?
   
5. 
   STEM таълимининг афзалликлари нималардан иборат?
   
6. 
   Технология фанида STEM таълимий ёндашув қандай аҳамиятга эга ҳисобланади?
   

1-амалий машғулот: Технология фанининг узлуксиз таълим тизимидаги ўрни ва роли

(2 соат амалий машғулот)

Амалий машғулотдан кўзланган мақсадлар:

• 
  технология фанининг узлуксиз таълим тизимидаги ўзига хос ўрни ва ролининг аҳамиятини ўрганиш;
  
• 
  технология фанини ўқитишда замонавий ёндашувлар ва инновацияларни белгилаш;
  
• 
  фанни ривожланиш тарихи босқичларини аниқлаштириш;
  
• 
  жамиятда амалга оширилаётган ислоҳотлар ва бозор муносабатлари шароитида технология фанини ривожлантириш тенденцияларини белгилаш.
  

Тингловчилар фаолиятини ташкил қилиш бўйича йўл-йўриқлар.

Машғулот кичик гуруҳларда ишлаш методи ёрдамида ташкил қилинади. Гуруҳларга қуйидаги топшириқлар берилади (гуруҳлар билан ишлашда турли интерфаол методлардан ҳам фойдаланиш мумкин):