Educational materials

17.5-rasm.
O’zbekistonda aksiyadorlik jamiyatlarining xususiyatlari
O‘zbekiston Respublikasining 2014-yil 6-maydagi O‘RQ-370-sonli yangi 
tahrirdagi «Aksiyadorlik jamiyatlari va aksiyadorlarning huquqlarini himoya 
qilish to‘g‘risida»gi qonunining 3-moddasida: “Ustav fondi (ustav kapitali) 
aksiyadorlarning aksiyadorlik jamiyatiga nisbatan huquqlarini tasdiqlovchi 
muayyan miqdordagi aksiyalarga taqsimlangan tijorat tashkiloti aksiyadorlik 
jamiyati deb e’tirof etiladi” deb qayd etilgan. 
O‘zbekiston Respublikasining 2014-yil 6-maydagi yangi tahrirdagi 
«Aksiyadorlik jamiyatlari va aksiyadorlarning huquqlarini himoya qilish 
to‘g‘risida»gi qonunida aksiyadorlik jamiyatlari tomonidan chiqariladigan 
aksiyalarni ochiq va yopiq obuna yo‘li bilan joylashtirish mumkinligi belgilab 
berildi. Mazkur qonunga muvofiq, yopiq aksiyadorlik jamiyati mazmunan 
mas’uliyati cheklangan jamiyatlarga o‘xshashligi bois aksiyadorlik jamiyatlarining 
shakllari ochiq va yopiq turlarga ajratilmasdan, ular umumiy holda aksiyadorlik 
jamiyati deb yuritiladigan bo‘ldi. 

---