Ё. Н. Файзиев,А. М. Ашурметов, А. Ж. Хамраев,М. Н. Агзамова, М. Д. Ахмедов, Билим соҳаси ижтимоий таъминот ва соғлиқни сақлаш-500000 Таълим сохаси соғлиқни сақлаш -510000

Вазиятли масала:

№1 Бемор юк машинаси уриб юборгандан кейин клиникага келтирилади. Ранги оқарган,АҚБ 80/40 мм.с.у., пулс бир дақиқада 120 та. Қорнини ўнг томонида кучли оғриқлар безовта қилаяпти. Перкуссия қилинганда қорин бўшлиғини ётоқ жойларида эркин суюқлиқ аниқланди. Беморда қайси аъзони шикастланиши тўғрисида гумон қилиш мумкин? Бу қанақа қон кетиш тури?
Жавоби: Жигар. Паренхиматоз, ички.

№2 Клиникага олиб келинган беморда: сонини ўрта учлигида жароҳати бор, юқори учлигида жгут қўйилган, боғлами қорамтир қон билан намланмоқда. Жгут ечиб олингач қон кетиш тўхтамади. Биринчи ёрдам кўрсатган шифокор қанақа хулосалар олиши керак?

Жавоби : Веноз қон кетиш. Жгут етарли даражада таранг қўйилмаган.

№3Бемор клиникага юк машинаси уриб юборгандан кейин келди. Ранги оқарган,АҚБ 80/40 мм.с.у., пулс бир дақиқада 120 та. Қорнини чап томонида кучли оғриқлар безовта қилаяпти. Перкуссия қилинганда қорин бўшлиғини ётоқ жойларида эркин суюқлиқ аниқланди. Беморда қайси аъзони шикастланиши тўғрисида гумон қилиш мумкин? Бу қанақа қон кетиш тури?

Жавоби: Қора талоқ. Паренхиматоз, ички.

№4.Жабрланувчи сонини ўрта учлигига пичоқ билан жароҳатланган. Жароҳатдан қизғиш қон отилиб чиқмоқда. Қандай қон кетиш тури? Биринчи тез ёрдамни қандай амалга ошириш керак? Қон кетишишини батамом тўхтатиш услублари?

Жавоби : Артериал қон кетиш. Жгут қўйиш. Томирни боғлаш, чок қўйиш, артерия пластикаси.

№5. Жабрланувчи сонини ўрта учлигига пичоқ билан жароҳатланган. Жароҳатдан қорамтир рангли қон сизилиб оқмоқда. Қандай қон кетиш тури? Биринчи тез ёрдамни қандай амалга ошириш керак? Қон кетишишини буткул тўхтатиш услублари?

Жавоби: Венадан қон кетиш. Жгут қўйиш. Томирни боғлаш, чок қўйиш, вена пластикаси.

№6 Жабрланувчининг бўйни чап томонидан жароҳатланган. Қизғиш қон отилиб чиқмоқда. Қандай қон кетиш тури? Биринчи тез ёрдамини қандай амалга ошириш керак?

Жавоби: Артериал қон кетиши. Бармоқ билан босиб туриш, бир томонлама шина билан жгут қўйиш.

№7. Жабрланувчининг чап билагининг ўрта учлигида жароҳати бор. Қорамтир рангли қон сизилиб оқмоқда. Қандай қон кетиш тури? Биринчи тез ёрдамни қандай амалга ошириш керак?

Жавоб: Венадан қон кетиш. Босувчи боғлам қўйиш.

№8. Олти кун илгари жабрланувчи ўнг сонини пастки учлигидан жароҳатланган. Бирламчи жаррохлик ишлов берилганда артерия боғланган. Хозирги пайтда жароҳати йирингланди. Артериал қон кетиш очилди. Ўтган вахтга қараб қанақа қон кетишни таснифлаш мумкин? Қон кетишни тўхтатиш услуби?

Жавоби : Кечки икиламчи қон кетиши. Томирни йўли бўйича боғлаш.

№9. Жабрланувчи елкасининг пастки учлигида жароҳати бор. Юқори учлигида ½ соат давомида жгут бор. Бу ҳолатда асоратлар бўлиши мумкинми, бўлса- қанақа ? Уларни олдини олиш мумкинмиди? Ха бўлса, қанақа услуб билан?

Жавоби: Қўл гангренаси ривожланиши мумкин. Олдини олиш мумкин, агарда жгутни 2-3 маротаба бир неча дақиқага бўшатиб турилса.

№10. Бемор 10 йилдан бери Россия шимолида яшайди, охирги йиларда милкларидан қон кета бошлаган. Қон кетишининг сабабини аникланг? Профилактика чоралари қандай?

Жавоби: Томирларнинг ўтқазувчанлигини ошириш билан ва авитаминоз С профилактикасини утказиш керак.

№11. Клиникага тушган беморда куйдаги ўзгаришлар кузатилмокда: тери рангининг оқариши, пулси бир дақиқада 120 та уриши, АҚБ 80/50 мм.с.у. тенглиги, гемоглобини 7 ^г/_лиги аникланди. Ташқи қон кетиш белгилари йўқ. Беморда қон кетишининг қайси тури аникланган?

Жавоби: Ички қон кетиши.

Ўзбекистон Республикаси

Соғлиқни Сақлаш Вазирлигининг
2009-йил 23-мартидаги
№ 78 – буйруғи иловаси № 1