Ё. Н. Файзиев,А. М. Ашурметов, А. Ж. Хамраев,М. Н. Агзамова, М. Д. Ахмедов, Билим соҳаси ижтимоий таъминот ва соғлиқни сақлаш-500000 Таълим сохаси соғлиқни сақлаш -510000

7. Кислород ташувчилар

Қоннинг асосий функцияси бўлмиш организм тўқималарига кислородни ташиш вазифасини бажариб бера оладиган, “сунъий қон” деб аталаётган қон ўрнини босувчиларнинг яратилиши ўта муҳим, лекин бир вақтнинг ўзида жуда қийин вазифа ҳисобланади.
Ҳозирги пайтда перфторуглеродлар асосида (перфторан, перфукол, флюсол-Да) ҳамда сингиб кетувчи гемоглобин асосида (эригем, конъюгирланган гемоглобин) яратилган кислород ташувчи дори воситалари мавжуд. Лекин, улар ташийдиган кислород ҳажми кам бўлиб, бундан ташқари организм учун уларнинг бироз заҳарлилик ҳолати ҳам мавжуд. Уларнинг парчаланиши ва организмдан чиқиб кетиши масалалари ҳали етарлича ўрганилмаган.
Ҳозирга қадар ушбу қон ўрнини босувчиларни стериллаш ва ишлаб чиқариш жараёнини арзонлаштириш муаммоларини ҳал қилишнинг имкони бўлмаяпти. Шу муносабат билан клиник амалётда ҳозрда кислород ташувчилар деярли қўлланилмайди.
Турли ҳолатларда қон ўрнини босувчи эритмаларнинг қўлланилиши аллергик, пироген ва заҳарланиш реакцияларини келтириб чиқаради, лекин уларнинг учраши ва жиддийлиги қон ва унинг таркибий қисмларини қўйишдаги ҳолатларга қараганда жуда кам.


Амалий машғулотларда таълим технологияларини, тест ва вазиятли масалаларни қўллаш.

“НИЛУФАР ГУЛИ” ИНТЕРФАОЛ УСУЛИ.

“Нилуфар гули” интерфаол усули замонавий педагогик технологиялар сирасига киради ва талабалар билимини мустахкамлаш, фикирлаш қобилиятини ривожлантириш, гурух ва якка холда ўз билимини намоён қилишга хизмат қилади. Бундан ташқари бундай усуллар ананавий ўқитиш услубидан бироз чекиниш ва талабаларнинг эркин изланишига, мавзуни мухокама қилган холда хулосалар чиқариш орқали иш қобилиятини янада оширишга ёрдам беради.

Мақсад
“нилуфар гули” итерфаол усули ёрдамида қон кетиш ва уни тўхтатиш усулларига оид билимларни талабалар томонидан тўлиқ ўзлаштирилиши ва янада мустахкамлаштиришга эришиш.
Вазифалар
1.Қон кетиш ва тўхтатиш усулларига доир маьлумотларни кичик грухларда тўплаш.
2.Кичик грухлар томонидан тўпланган маьлумотларни бирлаштириш
3.Гурухлар томонидан яратилган ягона “нилуфар гули”ва унга бириккан “баргларни” тахлил қилиш ва хулосалар чиқариш.