E. Egamberdiev

VII-BOB. TADBIRKORLIKNI DAVLAT TOMONIDAN
QO’LLAB - QUVVATLANISHI. 
 
7.1. O’zbekistonda tadbirkorlikni qo’llab-quvvatlash shakllari va turlari. 
 
Mustaqillik yillarida O’zbekiston Respublikasida kichik biznes ma’lum darajada 
rivojlanib bordi. Lekin ularni yaratish sur’atlari, ularni muttasil rivojlanib borishi va 
umumiqtisodiy hayotdagi o’rni bozor iqtisodiyoti talablariga xali javob bera olmaydi. 
Kichik tadbirkorlikni rivojlantirish yo’llarida xali to’siqlar, qiyinchiliklar ko’p. Ularni 
faqat davlatning kompleks tashkiliy, iqtisodiy va ijtimoiy tadbir-choralari asosida 
engib o’tish mumkin. Bozor iqtisodiyotini rivojlantirishning asosiy shakli bo’lgan 
kichik biznesni yaratish va rivojlantirish bizning sharoitimizda yangi va murakkab 
jarayondir. Ular ish boshlab, o’z faoliyatlarini yo’lga qo’ygunlaricha juda ko’p 
qarshiliklarga, qiyinchiliklarga duch keladilar. Tadbirkorlik muammolari bo’yicha 
o’tkazilgan so’rov ma’lumotlari buni tasdiqlamoqdalar. Yuqoridagi keltirilgan 
qiyinchiliklar turli xil sabablar bo’yicha 40 %dan 83 % gacha bo’lgan.
Ma’lumki O’zbekistonda tadbirkorlikni rivojlantirishning huquqiy asoslari 
etarli darajada yaratilgan. Lekin ulardan tashqari tadbirkorlikni rivojlantirishning 
qo’llab-quvvatlashning iqtisodiy asoslari ham yaratilgan. Bozor munosabatlari 
sharoitida tadbirkorlik faoliyatini ayniqsa, qishloq joylarda rivojlantirish yo’li bilan 
yangi ish o’rinlarini tashkil etish, bozor infratuzilmasini shakllantirish, raqobatni 
rivojlantirish uchun shart-sharoitlar yaratish, xizmat ko’rsatish ayniqsa, bank, 
auditorlik, konsalting, vositachilik, bank faoliyatidan bog’liq ilmiy izlanishlar olib 
borishini talab qiladigan hizmatlar hajmini keskin oshirish, axolining ko’pchiligi 
tadbirkorlik, biznes ishlari bilan shug’ullanish, xoxishini yaratish va ularni bozor 
iqtisodiyotiga jalb qilib, boqimandachilik, iste’molchilik psixologiyasini bartaraf 
qilish maqsad qilib qo’yilgan. Shuning uchun: 

---

113