Dunyoqarash nima? Dunyoqarashning bir-biridan farqi. Kasbingiz doirasida qaysi dunyoqarashdan ko’proq foydalanasiz? Nima uchun?

Mavzu : Dunyoqarash nima? Dunyoqarashning bir-biridan farqi. Kasbingiz doirasida qaysi dunyoqarashdan ko’proq foydalanasiz? Nima uchun?
Hozirda biz XXI asrda yashayapmiz va ijtimoiy hayot dinamikasi qanday o’sayotganini ko’rmoqdamiz. Har qanday bosqichda odam aniq belgilangan dunyoqarashga ega. Bundan tashqari dunyoqarash odamlarning asosiy hayot pozitsiyalarini , ularning e’tiqod ideallarini o’z ichiga oladi. Shu o’rinda savol tug’iladi. Dunyoqarash nima? Uning qanday shakllari bor?
Dunyoqarash – bu inson ongining bir qismi, dunyo haqidagi tassavurlari, insonning unda joylashgan o’rni, shuningdek, odamlarning e’tiqodlari, bilish va faoliyat tamoyillaridir. Dunyoqarash kishining yoshi, hayotiy tajribasi, bilimi, mafkurasi bilan bog’liq. Dunyoqarashda jamiyatda shakllangan falsafiy, ilmiy, diniy, siyosiy, axloqiy, huquqiy, estetik bilimlar, qarashlar o’z aksini topadi. Ma’lumki, insoniyat taraqqiyotining ilk bosqichlarida dunyoqarash nihoyatda oddiy bo’lgan. Agar shunday bo’lmaganida, har qanday jism o’z hajmiga teng suyuqlik miqdorini siqib chiqarish xossasiga ega ekanini kashf etgan qadimgi zamonning mashhur olimi Arximed hammomdan yalang’och chiqib, “Evrika”, ya’ni “Topdim”, deya qichqirmagan bo’lardi. Dunyoqarash jamiyat rivojiga mos ravishda asta-sekin takomillashib borgan. Shuningdek, hamma zamonlarda ham inson oldida uning atrof-muhitga, boshqa odamlarga, o’z-o’ziga nisbatan munosabatini belgilovchi savollar ko’ndalang turadi. Har birimiz bunga duch kelamiz. Bizni o’rab turgan dunyo nimadan tashkil topgan? Uni bilib bo’ladimi va bilib bo’lsa, qay darajada? Insonni o’zi nima? U qanday bo’lishi kerak? O’limdan so’ng bizni nima kutadi? Inson dunyoni o’zgartira oladimi? Mana shunday savollarga javoblardan insonning dunyoqarash shakllanadi. Shaxsning dunyoqarashi ijtimoiy munosabatlar bilan bog’liq bo’ladi. Insoniyat tarixida belgilanadigan dunyoqarashning 3 asosiy shakli bor:
Mifologiya, din, falsafa.
Mifologik dunyoqarash. MIF- bu turli xalqlarning, dunyoning kelib chiqishi, tabiat hodisalari, fantastik mavjudotlar, xudolar va qahramonlarning ishlari haqidagi tassavurini ifodalovchi muayyan tarzda tizimga solingan dunyoqarashdir.