Dunyodagi eng baland va eng uzun shisha ko'prik

Dunyodagi eng baland va eng uzun shisha ko'prik

Xitoyning Hunan provinsiyasida 2016-yil avgust oyida mehmonlar uchun shisha ko'prik ochildi, u dunyodagi eng uzunva eng baland ko'prik hisoblanadi.

Mazkur piyoda ko'prikning uzunligi 430 metr bo'lib, 300 metr balandlikda qurilgan va Chjanjiaje Milliy parkidagi ikki tog' qoyasini bog'lab turadi. U yerda "Avatar" filmining syomka jarayonlari bo'lib o'tgan.

Ko'prik qurilishiga 3,4 million dollar sarflandi. Ko'prikning poli 3 qavat oynali shaffof plitalardan ishlangan.

Inshootning arxitektori isroillik Haim Dotan. Shishali ko'prikda tez-tez yoga mashg'ulotlari o'tkaziladi, yosh kelin-kuyovlar esa bu yerda to'y fotosessiyalarini qilishni yoqtirishadi. 2017-yilning iyun oyidan ko'prikda elastik kanat bilan sakrash (banji jamping) mumkinligi kutilmoqda.  Chjanjiaje parki rahbariyati kuniga 8000 ga qadar mehmonlarni kiritishni ta'kidlagan.

Xavfsizlik ko'plab sinovlar orqali kafolatlangan - atrof-muhitdagi haroratning o'zgarishiga va shamol tebranishiga barqarorlik tekshiruvlari hamda ishonchlikka oid sinovlar. Bundan tashqari oynaga katta bolg'a bilan ham urib ko'rishgan.

Final bosqich sifatida konstruktorlar ko'prik bo'ylab yo'lovchi to'la avtomobilda yurishgan.

Xitoyda dunyodagi eng uzun, shishadan tayyorlangan osma ko‘prik barpo etildi

Xitoyning Guandun provinsiyasida joylashgan tabiatni muhofaza qilish hududida, Lyanszyan daryosi ustida butunlay shishadan tayyorlangan yangi osma ko‘prik paydo bo‘ldi. U shu toifadagi dunyodagi eng uzun ko‘prik sifatida rasman Ginnessning rekordlar kitobiga kiritildi. Ko‘prikning uzunligi 526 metr, yerdan 201 metr balandlikda qurilgan. Shisha oynaning qalinligi 4,5 sentimetr bo‘lib, bir vaqtning o‘zida 500 ta odamni ko‘tarishga qodir, deb yozmoqda Dezeen agentligi.

Shishadan tayyorlangan qurilma ikkita metall ustunga biriktirilgan qalin troslar bilan ushlab turiladi. Bundan tashqari ko‘prikda eni 9 metr bo‘lgan tomosha qilish maydonchalari mavjud. Ko‘prik Xitoyning Architectural Design arxitektura studiyasi va Chjeszyan universiteti mutaxassislari tomonidan loyihalashtirildi va qurildi.