Дунё океани деб нимага айтилади?

Контакт метаморфизм нима?

Контакт метаморфизми ер пўстига сиқилиб кирувчи магма суюқлигининг ёндош жинслар билан контактида рўй беради. Контакт яқинида метаморфик жинсларнинг ореоли ҳосил бўлади ва у одатда магматик танани ўраб турган жинсларни ва ўзининг чекка қисмларини қамраб олади. Контакт ўзгариш (контакт ореоли) зонасининг кенглиги бирқанча сантиметрдан бирнеча километргача бориши мумкин. Газ ва суюқ эритмалар қатнашувида минерал ҳосилалар кимёвий таркибининг ўзгариши туфайли кечадиган бир хил минералларнинг бошқалари билан ўрин алмашиш жараёни метасоматоз деб, метаморфизм тури эса контакт – метасоматик жараён деб аталади. Эритмаларнинг агрегат ҳолатига кўра пневматолитли ва гидротермал контакт-метасоматик метаморфизми ажратилади. Контакт-метасоматик тоғ жинсларининг энг кенг тарқалган тури скарнлар ҳисобланади. Метасоматоз таъсирида янги минералларнинг ҳосил бўлиши магма ўчоғидан нисбатан катта масофаларда кечади.

38. 
    Динамометаморфизм нима?
    

Динамометаморфизм (катакластик, дислокацион метаморфизм) асосан ер пўстининг устки қисмларида, дислокацион характердаги тектоник ҳаракатлар ривожланиш зоналарида, литосфера плиталарининг ўзаро туташув жойларида кечади. Тектоник ёриқлар бўйлаб кенг ривожланади. Шундай қилиб, уни келтириб чиқарувчи сабаб бир томонлама босим ҳисобланади. Динамометаморфизмда асосан тоғ жинсларининг структуравийтекстуравий хусусиятлари ўзгаради, доналар ўзининг мўлжалини босим йўналишига перпендикуляр ҳолда ўзгартиради, улар бурдаланади, чуқур зоналарда эса ҳароратнинг ошиши туфайли механик бурдаланиш пластик деформация билан алмашади. Тоғ жинсларида минераллар доналарининг шакли ва ранги бўйича қатламларнинг алмашиниши туфайли йўл-йўлли текстура, кристаллизацион сланецланиш юзага келади. Янги тангачали минераллар: хлорит, биотит, мусковит, тальк ва б. шаклланади. Бунда гнейслар, сланецлар ва амфиболитлар каби жинслар ҳосил бўлади. Мўлжалланган сиқувчи кучлар тоғ жинсларининг деформациясига, синишига ва бурдаланишига ҳамда минералларнинг уланиш текисликлари бўйича сурилишига олиб келади. Тоғ жинсларининг бурдаланишига олиб келувчи бундай динамометаморфизм катакластик метаморфизм номини олган. Катакластик метаморфизм зоналарида тоғ жинслари ва минералларнинг майда ўткир қиррали бўлаклардан таркиб топган тектоник брекчиялар ёки милонитлар ҳосил бўлади.

39.