Дўстов Ҳ. Б. Коррозиядан ҳимоя қилиш

7.15-расм. рН миқдорининг 
Zn коррозиясига таъсири.
7.16-расм. Ҳароратнинг дистиллан- 
ган сувдаги Zn коррозияси тезлиги- 
га таъсири

---

189 
билан коррозия тезлиги кескин ортиб, 70°С да максимумга эришади, сўнгра 
эса камайиб боради. Бундай қонуният 50°С ҳароратгача 95°С дан юқорида 
рухда юқори ҳимоявий хоссаларга эга бўлган зич плёнканинг ҳосил бўлиши 
билан тушунтирилади. (55-65)°С температуралар интервалида ҳосил бўлган 
плёнка бўш ва уқаланиб кетадиган бўлгани учун унинг ҳимоявий ҳоссалари 
жуда паст. 100°С да коррозия маҳсулотлари зичлашади, коррозион муҳитда 
кислороднинг эриши секинлашади.
Тоза ва денгиз атмосферасида рух чидамли, чунки гидроксидлар ва рух 
карбон кислотасининг асосий тузлари каби коррозия маҳсулотлари билан 
қопланган бўлади. Индустриал ҳудудларнинг SO
2
, SO
3
, HCl билан 
ифлосланган муҳитларида рух ва рух қопламаларининг бардошлилиги 
сезиларли пасаяди. 
Рух пўлатларни атмосфера коррозиясиясидан ҳимоялашда ишлатилади. 
Мисли, никелли, магнийли қотишмаларни олишда, аккумуляторлар ишлаб 
чиқаришда ва темир қотишмаларини электрокимёвий ҳимоя қилиш учун 
протектор сифатида фойдаланилади. 
7.2.8. Кадмий. 
Кадмий оқ-кумушранг, юмшоқ металл. Унинг зичлиги (ρ = 8,65 г/см
3
), 
эриш температураси t
эриш
= 321,1°С, стандарт электрод потенциали Cd
2+
+ 2е ↔ 
Cd реакция учун –0,40 В га тенг. 0,5н. NaCl эритмасидаги стандарт электрод 
потенциали –0,52 В га тенг. Cувдаги рухсат этилган чегаравий концентрация 
миқдори 0,005 мг/л. 
Кадмий осон болғаланадиган, чўзилувчан, листларга ёйилувчан ва сим 
тайёрлаш учун чўзилувчан. 
Кадмийнинг пассивланишга қобиляти анча паст. Шунинг учун 
пассивланишга мойил бўлган темир билан контактида кўп ҳолларда кадмий 
анод вазифасини бажаради. Кадмий асосан пўлатга ва алюминий 
қотишмаларига анод қопламаси ҳосил қилиш учун ишлатилади. У коррозион 
табиати бўйича рухга жуда ўхшашдир. Нейтрал эритмаларда кадмий кислород 
деполяризацияси орқали коррозияланади. Рухдан фарқли ҳолда рН нинг 
ортиши билан кадмийнинг коррозияланиш тезлиги пасаяди.
Манфий электрод потенциалининг камроқлиги сабабли кадмий 
кислотали ва нейтрал эритмаларда рухга нисбатан юқори чидамлиликка эга. 
Ишқорли муҳитларда у анча бардошли. 
Денгиз атмосфераси ва денгиз сувида кадмий бардошли. SO
2 
ва SO
3 
газлари муҳитида кадмий жуда тез емирилади. 
Мис қотишмалари ҳосил қилишда кадмий кўп ишлатилади. Юқори 
заҳарлилиги сабабли ундан ҳимоя қопламалари сифатида фойдаланиш 
чегаралангандир.