Дўстов Ҳ. Б. Коррозиядан ҳимоя қилиш

Никелнинг мис билан ҳосил қилган қотишмалари. 
Никел мис билан 
жуда кўп қаттиқ эритмалар ҳосил қилади. Таркибида никел миқдори 50 атом.% 
дан кам бўлган қотишмалар соф мисга яқин, никел миқдори 50 атом.% дан кўп 
бўлган қотишмалар эса никелга яқин коррозион характеристикаларга эга 
бўлади. 
Қотишмалар ичида 
монел-металл
номи билан машҳур 70 % Ni, 28 % Сu 
ва 1,5-2,5 % Fe таркибли қотишма жуда яхши коррозион чидамлиликка эга. Бу 
қотишма унинг таркибига кирувчи соф компонентларникига нисбатан ҳам 
юқори бўлган коррозион бардошлиликка эга. Шунингдек бу турдаги 
қотишмалар юқори механик ва технологик хоссаларга ҳамда мустаҳкамликка
эга, яхши прокатланади, қуйиш ва кесиш жуда осон, босим остида ишлов 
бериш мумкин. Монел-металл концентрацияси унча юқори бўлмаган 
оксидловчимас ноорганик кислоталарда, юқори концентрацияли Н
3
РО
4
эритмасида ҳамда ҳаво кириши чекланган ҳолдаги эритувчи кислотанинг 
барча концентрацияларида исталган температурада бардошли ҳисобланади. 
Монел-К (таркиби: 66 % Ni, 29 % Сu, 0,9 % Fe, 2,75 % А1, 0,4 % Мn, 0,5 
Si, 0,15% С) вақт ўтиб боргани сайин мустаҳкамлик характеристикаларининг 
яхшиланиб бориши билан бошқа қотишмалардан ажралиб туради. Никел-мис 
қотишмалари H
2
SO
4
, HC1, Н
3
РО
4
ва шу каби муҳитларда ишлатиладиган 
қурилмаларда ишлатилади. Монел-К қотишмалари катта кучланиш остида 
ишловчи деталларни тайёрлаш учун ишлатилади. 
Никелнинг молибден билан ҳосил қилган қотишмалари
хастеллой-лар
дейилади. Улар қаттиқ эритма ҳисобланиб, мустаҳкам, пластик ва кимёвий 
чидамлидирлар. Саноатда никелли қотишмаларнинг Н65М-ВИ (ЭП982-ВИ), 
Н70МФВ-ВИ (ЭП814А-ВИ), Хастеллой В-2, Nimofer S6928 маркалари ишлаб 
чиқарилади.

---

184 
Таркибида 15% дан кўп молибден бўлган никел-молибден қотишмаси 
минерал кислоталарнинг эритмаларида чидамли бўлади. Таркибида 20 % дан 
кўп молибден бўлган қотишмаларнинг чидамлилиги айниқса юқори бўлади 
(7.13-расм).