Дўстов Ҳ. Б. Коррозиядан ҳимоя қилиш

Латунлар
– миснинг рух билан 
ҳосил қилинган қотишмалари (45 % 
гача 
Zn) 
ҳисобланади. 
Махсус 
латунлар яна қўшимча равишда Si, Al, 
Ni, Cr, Mn ва бошқа компонентлар 
билан легирланади. Махсус латунлар 
коррозиябардошлилиги 
бўйича 
мисдан қолишмайди. Оддий латунга 
алюминий, марганец ёки никелнинг 
киритилиши қотишманинг атмосфера 
коррозиясига, 
кремнийнинг 
киритилиши эса – денгиз суви 
коррозиясига чидамлилигини оширади. Латунлар ва бронзаларнинг механик 
хоссалари, кимёвий таркиби ва қўлланилиш соҳалари 7.8-жадвалда 
келтирилган.
Латунлар буғ-қувватли қурилмалардаги конденсатор қувурларини, 
айниқса тез айланувчи денгиз суви билан совитиладиган карабл 
конденсаторларининг қувурларини тайёрлаш материаллари сифатида кенг 
қўлланилади. Рухсизланиш деб аталадиган коррозия тури оддий латунлар 
учун характерлидир. Сиртнинг маълум бир қисмларида латун ўзига хос 
емирилишга учрайди ва натижада тўкиладиган юмшоқ мис қатлами вужудга 
келади. Дастлаб эритмага бир вақтнинг ўзида рух ва мис ўтади. Шундан кейин 
мис ионлари эритмадан қайта ажралади, чўкма ҳосил қилган мис қўшимча 
катод вазифасини бажариб, латуннинг электрокимёвий коррозиясини 
тезлаштиради. Натижада эритмага рух ионлари ўтади, вақт ўтиши билан 
коррозия шунчалик чуқур тарқаладики, материалда тешиб ўтилган 
бузилишлар кузатилади. Агарда рухсизланиш жараёни кечмаса, денгиз 
сувидаги латуннинг емирилиш тезлиги унча катта бўлмасдан 0,008–0,01 
мм/йил ни ташкил қилади. Латунларнинг рухсизланишини камайтириш учун 
қотишма қўшимча равишда қалай, никел, алюминий ва кўпинча 0,001–0,012% 
миқдорда мишяк билан легирланади. 
Латунлар ишлатилиш шароитида коррозион ёрилишга мойилдирлар. Бу 
ҳодиса атмосфера таркибида аммиак ёки олтингугурт ангидриди бўлган 
ҳолларда шунингдек аммиак, аммиак комплекслари ёки цианид тузлари