Дўстов Ҳ. Б. Коррозиядан ҳимоя қилиш

5.3.4. Коррозион мониторинг 
 
Исталган аппарат ёки конструкциянинг «Ҳаёт цикли» тўртта – 
лойиҳалаш, тайёрлаш, ишлатиш ва реновация (реконструкция, таъмирлаш) 
босқичларидан иборат. 
Жиҳозлар коррозион ҳолатини (уларни лойиҳалаш, ишлатиш, реновация 
босқичларида) баҳолашнинг самарали усули коррозион мониторинг ҳисоб-
ланади. Бу жараён мумкин бўлган коррозион нохушликлар ҳақида замона-вий 
маълумот олиш мақсадида олиб бориладиган объектлар коррозион ҳола-
тининг ташхислари ва барча турдаги кузатишлар мажмуини қамраб олади.
Мониторинг регламенти ташхисланадиган тизимнинг ишлатилиш 
шароитларидан келиб чиққан ҳолда белгиланади.
Ишлатиш босқичида жиҳознинг коррозион мониторинги унинг ҳолатини 
узлуксиз (ёки даврий) назорат қилишдаги қуйидаги усуллардан ташкил 
топади: визуал кўздан кечириш; жиҳознинг ноқулай қисмларини телеметрик 
тизимлар ёрдамида кўздан кечириш; коррозион муҳитнинг технологик 
хоссаларини (оксидланиш-қайтарилиш потенциали, металл конструкцияси 
элементларининг эриш маҳсулотлари борлиги, коррозион-актив агентлар 
концентрациясининг ўзгариши ва б.) аниқлаш; металл потенциалини аниқлаш; 
намуна-гувоҳларнинг коррозия тезлигини аниқлаш; намуна-гувоҳларнинг 
электр қаршилигини аниқлаш; ултратовуш, магнитометрик ва акустик 
дефектоскопия.
Реновация босқичидаги мониторинг конструкцион ва қайта тиклаш 
бўйича техник ечимларнинг назоратини ҳамда бу ишларни ҳисобга олган 
ҳолда унинг кейинги фаолиятини ташхислашни ўз ичига олади.
 
Бешинчи бобга тегишли услубий тавсиялар 
Бу бобда келтирилган маълумотларни ўрганиш натижасида 
талаба 
қуйидагиларни билиши шарт: 

коррозиянинг локал кўринишлари; 

металларнинг коррозион-механик емирилиши; 

Материалларни коррозиянинг турли кўринишларига қарши 
чидамлиликка синаш усуллари;