Donolar bisotidan

Darsning borishi

1. Tashkiliy qism. O'quvchilar uyda bajarib kelgan vazifa o'qitib tekshiriladi va baholanadi.

2. Yangi mavzu bayoni. Avval o'quvchilar e'tibori darslikdagi maqollarga qaratiladi va 1-topshiriqdagi suhbat matni o'qitiladi. So'ngra 1-mashqda berilgan „Donolar bisotidan” matni o'qitilib, o'quvchilar e'tibori ajratib ko'rsatilgan so'zlarga qaratiladi. O'qituvchi bu so'zlar ifodalayotgan ma'nolarni tushuntiradi va grammatik qoida bayoniga o'tadi.

3. Grammatik qoida bayoni. Ushbu darsda o'zbek tilida shart maylidagi fe'llar bo'lmoq fe'li bilan qo'llanganda harakatning bajarilishi uchun imkoniyat borligi ma'nosini bildirishi haqida nazariy ma'lumot beriladi. O'qituvchi o'quvchilarni darslikdagi qoida bilan tanishtiradi va misollar vositasida nazariy ma'lumotni mustahkamlaydi. Masalan: Shu ishni bajarsangiz bo'ladi. Ko'riktanlovda barcha qatnashsa bo'ladi.

4. Grammatik ma'lumotni mustahkamlash uchun 2- va 4-mashqlar yozma bajartiriladi. 2-mashqda o'quvchilar berilgan fe'llarni shart maylida tuslab, bo'lmoq fe'li bilan bog'lab yozishlari, so'ngra ma'nolarini tushuntirib berishlari kerak. Ushbu topshiriq to'g'ri bajarilishi uchun quyidagi namunani berish ham mumkin: aytmoq. Bu gapni singlimga aytsa bo'ladi.

3-mashqda esa maqollar berilgan bo'lib, o'quvchilar birinchi ustundagi maqollarning davomini ikkinchi ustundan topib yozishlari kerak. Bu topshiriq quyidagicha bajarilishi ko'zda tutiladi:

To'g'ri bo'bang, о'sib borib gul bo’llasan.

Egri bo'lsang, о'sib borib kul bo'lasan.

Boshqalarga yordam bersang, kulfat seni chetlab o'tadi.

Yaxshi so'z eshitmoqchi bo'lsang, yomon gap aytma.

Olim bo'lsang, olam seniki.

Agar do'stim ko'p bo'lsin desang, hech kimga dushmanlik qilma.