Донли экинлар маъруза матни

Elita  urug’liklarini  yetishtirish  usullari.  Elita  urug’liklarini 

yetishtirishda mahsuldorlik va boshqa qimmatli belgilar bo’yicha eng yaxshi 

o’simliklar  va  urug’lar  tanlanadi,  ular  qulay  sharoitda  parvarish  qilinadi, 

kasallik va hashoratlar bilan zararlantirilmasdan, bahorgi g’alla ekinlarni qish 

oldidan ekish kabi qulay usullardan foydalaniladi. 

Yakka tanlash. Ko’pchilik ekinlarning elita urug’liklari yakka tanlash 

va  tanlab  olingan  o’simliklarning  bo’g’inlarini  baholash  yo’li  bilan,  ayrim 

hollarda  ommaviy  tanlash  usuli  asosida  ham  yetishtiriladi.  Oxirgi  yillarda 

biotexnologiya usullaridan ham foydalanib elita urug’liklari yetishtirilmoqda. 

Don  va  dukkakli  don  ekinlarining  elita  urug’ligini  yetishtirishda 

birlamchi  urug’chilik  pitomniklariga  ekish  uchun  quyidagi  urug’liklarning 

birontasidan foydalaniladi: 

-rayonlashtirilgan  navlarning  nav  tozaligi  (o’zidan  changlanuvchi 

o’simliklarda) yuqori bo’lgan ko’paytirish pitomnigidan, superelita, elita yoki 

reproduksiya ekinlar ekilgan dalalardan yakka tanlab olingan o’simliklarning 

urug’liklari; 

-navning  egasi  bo’lgan  muassasalarning  oldindan  ko’paytirish 

dalasidan olingan urug’liklar; 

PDF created with pdfFactory Pro trial version 

www.pdffactory.com

---

Yakka  tanlash  usulidan  foydalanib,  elita  urug’liklarini  yetishtirish 

tartibi quyidagicha (27-rasm): 

-birinchi  yilgi  bo’g’inlarni  sinash  (tanlash)  pitomnigiga  navning 

navdorligi  va  tipikligi  yuqori  bo’lgan  ekinzorlardan  yakka  tanlab  olingan 

o’simliklarning urug’laridan iborat avlodlar ekiladi. 

Birinchi  yilgi  bo’g’inlarni  sinash  pitomniklariga  ko’pincha  mingga 

yaqin (300 tadan kam bo’lmagan) eng yaxshi avlodlar ekiladi. Avlodlarning 

soni  ularni  asosiy  miqdor  belgilari;  poyaning  uzunligi,  umumiy 

mahsuldorligi,  bitta  o’simlik  donining  vazni,  mahsuldor  tuplanish, 

boshoqdagi don miqdori, 1000 ta donning og’irligi, donining sifati va boshqa 

qimmatli  xo’jalik-biologik  belgilari  bo’yicha  taqqoslanayotganda  puxta 

baholashga imkon beradigan bo’lishi kerak. 

Birinchi yilgi sinash pitomnigiga o’simliklarning o’sishi va rivojlanishi 

ustidan tegishli kuzatishlar olib boriladi, yomon ko’rsatkichlarga ega bo’lgan 

(kasallangan, ifloslangan) avlodlar o’zidan changlanuvchi ekinlardan hosilni 

yig’ishtirish  oldidan  olib  tashlanadi.  Qolgan  eng  yaxshi  oilalar  alohida-

alohida  o’rib  olinib,  yanchiladi,  labaratoriyada  baholanib,  yaroqsizlari 

tashlanib,  qolganlarining  urug’i  keyingi  ikkinchi  yilgi  bo’g’inlarni  sinash 

pitomnigiga ekiladi. Birinchi yilgi sinash pitomnigidan tanlab olingan oilalar 

miqdor  belgilari  bo’yicha  va  variasion  qatorlar  tuzilib,  olingan  ma’lumotlar 

matematik  yo’l  bilan  tekshirilib  chiqiladi.  Bunda  nav  ichidagi  irsiy  va  irsiy 

bo’lmagan  o’zgarishlarni  bir  biridan  ajratib  olish  uchun  va  variasion 

qatorlarning  asosiy  ko’rsatkichlari-oilalarning  barcha  yig’indisi  uchun 

belgilarning  o’rtacha  ifodasidan  (S)  va  ularning  standart  cheklanishidan  (X) 

foydalanish  eng  yaxshi  natija  beradi.  Bulardan  foydalanib  barcha 

liniyalarning  sinflari  aniqlanadi. 1-sinfga  X-35;  2-sinfga  X-25;  3-sinfga  XS, 

4-sinfga X+S; 5-sinfga X+2S va 6-sinfga X+3S ko’rsatkichli oilalar kiritiladi. 

Ikkinchi  yilgi  bo’g’inlarni  sinash  pitomnigiga  ekish  uchun  X+2S 

sinfiga bo’lgan liniyalarning urug’liklari ajratib olinadi. 

Ikkiichi  yilgi  bo’g’inlarni  sinash  pitomnigiga  olingan  300  dan  ortiq 

liniyalarning  urug’liklari  ekiladi.  Har  bir  liniya  2-3  qaytariqda  ekiladi.  Bu 

pitomnikda ham o’suv davrida dala ko’riklari o’tkazib navga xos bo’lmagan, 

kasallangan  liniyalar  chiqarib  tashlanadi.  Tanlab  olish  uchun  qolgan  eng 

yaxshi  liniyalarning  hosili  alohida-alohida  yig’ib  olinadi  va  doni  bo’yicha 

laboratoriyada baholanadi. Liniyalarning hosildorligi bo’yicha olingan X+2S 

sinfiga  kirgan  liniyalar  ko’paytirish  pitomnigida  ekish  uchun  tanlab  olinib 

urug’ligi birlashtiriladi. 

Ikkinchi  yilgi  bo’g’inlarni  sinash  pitomnigidan  tanlab  olingan  eng 

yaxshi liniyalarning birlashtirilgan urug’lari ko’paytirish pitomnigiga seyalka 

yordamida ekiladi. 

Ko’paytirish  pitomnigida  yetishtirilgan  urug’liklarning  mutlaqo  sof 

bo’lishi  talab  qilinadi.  Ko’paytirish  pitomnigida  yetishtirilgan  hosil 

PDF created with pdfFactory Pro trial version 

www.pdffactory.com

---

kombaynda  yig’ib  olinib,  urug’lar  tozalanadi,  saralanadi  va  dorilangandan 

keyin  yangi  qoplarga  solinib  yaxshi  jihozlangan  omborlarda  saqlanadi.  Bu 

urug’liklardan  keyingi  yil  superelita,  superelitadan  keyin  esa  elita  urug’lik 

olish uchun foydalaniladi. Birlamchi urug’chilik pitomnilarida ilmiy-tadqiqot 

muassasasida seleksion ekinlari uchun qabul qilingan usullar, ekish tartibi va 

yetishtirish texnologiyasi qo’llaniladi. 

Elita  urug’liklar  yetishtirishda  birlamchi  urug’chilik  pitomniklarida 

elita  keng  qatorlab  (kuzgi  bug’doy  45X10-1  sxemada)  ekish  qo’llanadi.  Bu 

usul  nisbatan  kam  urug’lik  sarflab  yirik,  yaxshi  to’lishgan,  salmoqdor 

urug’lik  yetishtirib  olishga,  ya’ni  ekinning  ko’payish  koefisentini  oshirishga 

olib keladi. 

Keng  qatorlab  ekish  usuli  qo’llanilganda  o’simliklarning  qatorda 

joylashish  qalinligiga  katta  e’tibor  beriladi.  Qatorlarda  o’simliklarning 

qalinligi  kerakli  miqdorda  bo’lganda  o’simliklarning  biologik  chidamliligi 

yuqori  bo’lishi  uchun  qulay  sharoit  vujudga  keladi,  hosildorlik  oshadi, 

urug’liklarning sifati yaxshi bo’lib ko’payish koeffisenti oshadi.