Договор страхования транспортного средства выставляемого в залог

13. ҚЎШАЛОҚ СУҒУРТАЛАШ
13.1. Суғурта қилдирувчи, суғурталанган кредит бўйича тузилган ёки тузилиши кўзда тутилаётган барча суғурта шартномалари ҳақида Суғурталовчини хабардор қилиши шарт.
13.2. Қўшалоқ суғурталанган кредит бўйича, ҳар бир Суғурталовчи ўзлари тузган суғурта шартномалари доирасида суғурта товони тўлови мажбуриятини олади, аммо барча суғурталовчилар тўлайдиган суғурта товонининг миқдори зарарнинг ҳақиқий қийматидан ортиқ бўлиши мумкин эмас.
13.3. Агар суғурта ҳодисаси рўй берган вақтда, суғурталанган кредит бошқа суғурта шартномалари билан худди шу таваккалчилик бўйича суғурта қилинган бўлса, зарарнинг қопланиши ҳар бир суғурта ташкилотининг суғурта суммаларига пропорционал равишда тақсимланади.


14. БОШҚА ШАРТЛАР
14.1. Ушбу Шартномага барча қўшимчалар ва ўзгаришлар, шунингдек уни узайтириш ёки тугатилиши томонларнинг розилиги билан ёзма шаклда амалга оширилиши, Кредит шартномаси/келишувига оид ўзгаришлар бўлганда, бекор қилинганда ёки тугатилганда эса Суғурта қилдирувчи ва Наф олувчи томонидан унинг ўзгариши/бекор бўлиши/тугатилиши пайтидан бошлаб 10 (ўн) банк куни ичида Суғурталовчи хабардор қилиниши шарт.
14.2. Ушбу Шартномада келтирилган масалалар юзасидан баҳслар, талаблар ёки келишмовчиликлар юзага келган тақдирда томонлар уларни музокаралар йўли билан ҳал этиш чораларини кўрадилар.
14.3. Ушбу Шартномадан келиб чиққан баҳслар, келишмовчиликлар ёки талаблар, шу жумладан унинг ижроси, бузилиши, тугатилиши ёки ҳақиқий эмаслиги масалалари музокаралар йўли билан ҳал этиб бўлмаса, улар Ўзбекистон Республикасининг амалдаги қонун ҳужжатларига мувофиқ ҳал этилади.
14.4. Ушбу Шартномада тартибга солинмаган ўзаро муносабатлар Ўзбекистон Республикасининг амалдаги қонун ҳужжатларига мувофиқ тартибга солинади.
14.5. Суғурта шартномаси бўйича ҳуқуқ ва мажбурияларни Томонларнинг ёзма розилигисиз учинчи шахсларга беришга йўл қўйилмайди.
14.6. Ушбу Шартнома томонларнинг истакларига кўра ўзбек тилида тузилди ва бир хил юридик кучга эга, ҳамда Суғурталовчи, Суғурта қилдирувчи/Наф олувчи ва Қарздорда бир нусхадан сақланувчи 3 (уч) нусхадан иборат.