Dánekersiz túsindirmeli qospa gáp Kún uranı: Tábiyatımızdı asırayıq!

136-shınıǵıw. Oqıń. Dánekersiz qospa gáplerdiń túsindirmeli máni bildiriw sebeplerin túsindiriń.
Adamlardıń barǵan sayın jaqsı jasawı ózleriniń materiallıq hám ruwxıy talapların tolıq qanaatlandırıw ushın bir jol bar – ol da bolsa dóretiwshiliktiń hárqanday orınlarında hadal miynet etiw bolıp tabıladı. 2.Tek mınanı ǵana aytıwım múmkin: bul kún meniń ómirimdegi eń quwanıshlı kún bolıp qaldı. 3.Búgin de sol ádetin qıldı: ákesiniń aldına juwırıp moynınan qushaqladı. 4.Biziń wazıypamız anıq boldı – dóretiwshilik miynet ushın tayarlıq kóriwimiz kerek. 5.Murattıń taǵı bir serlegeni sol: bul bayram tamashalarına qatnasqan hayal-qızlardıń heshbirewi párenje jamılıp júrgen joq.
Shınıǵıw jumısın taqtada orınlaydı.
“Kim shaqqan?” usılı. Oqıwshılardı kishi toparlarǵa bólip, hár toparǵa at qoyıladı. “Birlik”, “Awızbirshilik”, “Tatıwlıq” atamaları arqalı Aral teńizine seksewil egiwimiz kerek. Hárbir soraw ushın ball belgilengen.
Elektron tárizde islengen interaktiv usıl arqalı tayarlanǵan sorawlarǵa toparlar óz-ara oylasıp juwap beriwi talap etiledi. Dana xalqımızdıń “Jawın jer ırısı, miynet er ısı” dep aytqanınday, sorawlardı tańlap alıp juwap beriw arqalı alǵan balı menen qatar Aral teńizi ultanına seksewil nálin egedi. Maqsetimiz: Ekologiyalıq apattıń aldın alıw, hawa tazalıǵın támiyinlew.


Berilgen sorawlardan úlgiler:
1.Quramındaǵı jay gápleriniń aldıńǵısınıń mazmunı sońǵı jay gáp arqalı túsindiriletuǵın qospa gáptiń túrine ne delinedi? Dánekersiz túsindirmeli qospa gáp
2.Dánekersiz túsindirmeli qospa gáptiń dáslepki jay gápi qanday mánide kelse, dáslepki jay gápten keyin qos noqat qoyıladı? Ulıwmalıq mánide kelse
3. Dánekersiz túsindirmeli qospa gáptiń dáslepki jay gápiniń quramında qaysı almasıqlar qollanıladı? Siltew almasıqları qollanıladı.
4.Taǵı bir tamasha jeri mınada edi qısqa kúnde qırq kelip turatuǵın jeńgey biziń úyge izep baspaydı. Irkilis belgisin qoyıń.