Djumayeva n

Ustoz va murabbiylar bayramini nishonlashda o‘tganlar ruhini shod etishga aloxida e’tibor berish maqsadga muvofiqdir.

«O‘qituvchilar va murabbiylar kuni» bayramini quyidagicha reja asosida o‘tkazish mumkin:

- o‘qituvchi - ulug‘ zot ekanligi xaqida;

- ustoz - otangdan ulug‘ligi;

- o‘qituvchi va murabbiylar mehnatining qadr-qiymati xaqida;

- buyuk ustozlar xaqida, o‘qituvchilar sulolasi xaqida;

- ustozlar ruhini shod etish;

- o‘qituvchilarni munosib taqdirlash, sovg‘alar ulashish;

- rivoyat, hikoyalar, she’r va kuy-qo‘shiqlar ijro etish;

- saxna lavhalaridan, sport o‘yinlaridan namoyish etish;

- san’atkorlar chiqishi;

- sayl-sayohatga borish;

- nafaqaxo‘r, faxriy o‘qituvchilar holidan xabar olish;

- ko‘rgazma tashkil etish, kimoshdi savdosini uyushtirish.

- sayohat va sayllarda, muzey va muqaddas qadamjoylarga, «Xotira va qadrlash» maydonlariga borish.

O‘quv yurtlarida «O‘qituvchi va murabbiylar» bayrami te-atrlashtirilgan reja asosida olib borilishi bayramning este­tik tarbiyaviy qimmatini yanada oshiradi. Buning uchun, o‘quv yurtlarining musiqa kafedralari a’zolari, musiqa va cholg‘u asboblari to‘garaklarining ishtirokchilari bilan teatrlashtirilgan badiiy qismlar tashkil qilish maqsadga muvofiq.

Toshkent, Buxoro, Samarkand, Farg‘ona, Shaxrisabz, Termiz, Xiva shaharlariga o‘qituvchilar sayohatini uyushtirish. Bu ishlarda xalq ta’limi bo‘limi, hokimiyat, mahalla, homiy tashkilotlar, san’at va adabiyot ahli xamkorlikda faollik ko‘rsatishlari lozim.

Tomoshalar, konsertlar, musiqali kechalarga ustozu yosh murabbiylar va talabalarning bepul kirishini ta’minlash, shuningdek, ijodkor xodimlar guruhlari ta’lim-tarbiya muassasalariga tashrif buyurishlari lozim. «O‘qituvchi va murabbiylar kuni» bayramini o‘tkazishni respublika, viloyat, shahar, tuman ommaviy axborot vositalari orqali yoritish maqsadga muvofiqdir.

XULOSA
Respublikamiz mustaqillikka erishgach, ta’lim-tarbiya jarayoni qayta ko‘rib chiqilib, uni rivojlantirish uchun bir qancha yangi asoslar yuzaga keldi. Jumladan, «Ta’lim to‘g‘risidagi qonun», «Kadrlar taiyorlash milliy dasturi» ning yaratilishi ta’limni tubdan isloh qilish, uni o‘tmishdan qolgan mafkuraviy qarashlar va sarqitlardan to‘la xalos etish, rivojlangan demokratik davlatlar darajasida, yuksak ma’naviy va axloqiy talablarga javob beruvchi yuqori malakali kadrlar taiyorlash imkoniyatini berdi.

Respublikamiz hukumati tomonidan mustaqillikning ilk yillaridanoq, jismonan sog‘lom, ma’nan yetuk shaxs yaratishga e’tibor berila boshlandi. Bu boradagi ishlarni aniq maqsadli amalga oshirish uchun davlat ahamiyatiga molik dasturlar, rejalar ishlab chiqildi.

Jamiyat va davlat qo‘yadigan talablarni bajarish, “Kadrlar tayyorlash Milliy dasturi” g‘oyalarini amaliyotga tadbiq etish, respublika ta’lim tizimida olib borilayotgan islohotlar muvaffaqiyatini ta’minlash, Barkamol avlod tarbiyasi ko‘p jihatdan bugungi kunda uzluksiz ta’lim muassasalarida faoliyat olib borayotgan o‘qituvchi, tarbiyachilarning ma’naviy qiyofasi, kasbiy mahoratlari va tarbiyaviy ishlarni tashkil etish mahoratiga bog‘liqdir.

Oliy ta’lim tizimida talaba hayotida, ta’lim-tarbiya jarayonini boshqarishda guruh murabbiysining boshqalar bilan almashtirib bo‘lmaydigan o‘ziga xos o‘rni bor. U oliy ta’lim muassasasida juda muhim va ma’suliyatli qiyofadir. Guruh murabbiysi faoliyatiniig aksariyat qismi tarbiyaviy jarayon bilan bog‘liqdir. Shu jihatdan olib qaralganda, uni guruhning bosh tarbiyachisi, murabbiysi, deyish mumkin. U o‘z guruh jamoasini tashkil qiladi, uyushtiradi va tarbiyalaydi, o‘qituvchilar, “Kamolot” tashkilotlari, ota-onalar hamda keng jamoatchilik bilan yaqindan aloqa bog‘lab, guruhdagi umumiy tarbiyaviy jarayonga rahbarlik qiladi.

Guruh jamoasi, uning har bir talabasi guruh murabbiysi va o‘qituvchilar jamoasining diqqat markazida bo‘lishi lozim va uning ma’naviy-ma’rifiy, madaniy, tarbiyaviy ishlardagi muvaffaqiyatlari ta’lim muassasasining ham yutug‘idir.

Xulosa qilib, zamonaviy guruh murabbiysi yodida saqlashi va doimiy rioya qilishi zarur bo‘lgan qoidalarni ifoda etmoqchimiz:

• 
  Inson dunyodagi mavjudotlar ichida eng buyugidir. Uning aldanishiga yo‘l qo‘ymang. Ishonchini paymol va qalbini ostun-ustin bo‘lmasligiga kafolat bering. 
  
• 
  Siz ta’lim-tarbiya berayotgan bugungi yosh ertangi zamonning egasi, ota-onasining, xalqining, Ona-Vatanning buyuk ne’matidir.
  
• 
  Ilm faqat insonlargina egallashi mumkin bo‘lgan ne’mat, uni tarbiyasi yo‘q bo‘lgan qalbga singdirib bo‘lmaydi. Avval bolaga tarbiya bering, so‘ngra ilm o‘rgating.
  
• 
  Inson shaxsini asrab avaylang, uni bo‘lar-bo‘lmas qilgan  xotolari uchun uyaltirmang.
  
• 
  Talabaga o‘ylab va’da bering va’da berdingizmi bajaring, talabaga o‘ylab topshiriq bering, topshiriq berdingizmi nazoratini unutmang: va’dani bajarmaslik, nazoratni unitishlik tarbiyaning jilovini qo‘ldan chiqarishlikdir.
  
• 
  Talaba mehnat qildi, oz bo‘lsada muvaffaqiyatga erishdi. Talaba erishgan xar bir yutuqni munosib baholang. Rag‘batlantiring.