Djumayeva n

3.2. Guruh jamoasi bilan ishlash va unga rahbarlik qilish
Guruh murabbiysi o‘z guruhidagi talabalarning bevosita ta’lim-tarbiya jarayoni, ya’ni darslar davomida hamda darsdan keyingi faoliyatini nazorat qilishga mas’uldirlar. Guruhdagi barcha talabalarni qobiliyatiga qarab, to‘garaklarga jalb etish kerak. Guruxdagi talabalarning soni nechta bo‘lishidan qati nazar, ularga axborot soati daftarini tuttirish kerak. Haftada bir marta o‘tkaziladigan axborot soatlarini to‘g‘ri tashkil etib, unga haqqoniy yondashish shartdir. Tarbiyachi qanday sharoitda ishlamasin, u qanday guruxda ishlashidan qati nazar, talaba shaxsini kamol toptirishi kerak. Guruh rahbarligi, odatda, guruhni va alohida har qaysi talabani o‘rganishdan boshlanadi. Ma’naviyati boy bo‘lgan guruh murabbiysi talabalar bilan alohida - alohida ishlashni amalga oshirishi, talabalarga o‘z ta’siri, metodlarini mohirlik bilan qo‘llashi kerak.

Agar guruh murabbiysi talabalar faolligini yanada oshirishga harakat qilsa, ota-onalar bilan aloqani mustahkamlashi lozim bo‘ladi. Qaysiki guruh murabbiysi ota-ona bilan yaqindan aloqada bo‘lsa, uning guruhidagi talabalarining faolligi oshadi.

O‘zbekiston Respublikasining «Ta’lim to‘g‘risida»gi Qonuni talaba­lar, ota-onalar o‘rtasida o‘rganib ishlab chiqilishi kerak. O‘quv maskanida ta’lim mazmunini takomillashtirish, ta’lim metodlarini yangilash borasida ko‘p ishlar qilindi va qilinmoqda. Tarbiyachi talabalarda bilim olishga bo‘lgan ishtiyoq va ehtiyojini uyg‘otishga harakat qiladi. Agar guruh murabbiysi o‘z guruhidagi talabalar o‘rtasida hurmat qozona olsa, talabani fikrlashga o‘rgatsin.

O‘quv maskanida olib boriladigan tarbiyaviy ishlarga to‘g‘ri va bevosita guruxda o‘zlashtirishni ko‘tarishga ta’sir etadi. Guruh murabbiysi talabalar bilan hamkorlikda tarbiyalanuvchilarni o‘qishga ongli munosabatda bo‘lishga o‘rgatadi, talabalarning o‘qishini nazorat qiladi. Darslarga kiradi, kuzatadi va o‘z guruhidagi talabalar bilan birgalikda guruhda o‘quv ishlari sifatini oshirish chora-tadbirlarini belgilaydi. Guruh xonasining jihozi va ko‘rinishi talabalarning estetik tarbiyasiga jiddiy ta’sir ko‘rsatadi. Shuning uchun talabalarga guruh burchagini qanday jihozlash kerakligini aytib berish kerak. Guruh murabbiysi ko‘rgazmali qurollardan samarali foydalanish, talabalarning darsdan bo‘sh vaqtlaridan foydalanish, tarbiyalanuvchilar ijodiy qobiliyatlarini o‘strishda, ularni har tomonlama kamol toptirishga yordam beradi. Darsdan bo‘sh vaqtlarida talabalarning jamoat topshiriqlarini, to‘garaklarda ishtirok etishini nazorat qilish kerak.

Tarbiyalanuvchilarni sevish va hurmat qilish tarbiyaviy ish samaradorligini oshirishning zarur shartidir. Agar pedagog tarbiyalanuvchilarni sevmasa, u tarbiyalanuvchilarning haqiqiy tarbiyachisi, murabbiysi bo‘la olmaydi.