Dissertant: Umurova Nigina Raximovna Ilmiy rahbar: f.,f.,n., dotsent Amonova Zilola Qodirovna

“Alkimyogar”ni Sharq tasavvufi bilan tutashtiruvchi yana bir nuqta ustoz – shogird munosabatlarida yaqqol namoyon bo`ladi. Ya’ni, pir – Alkimyogar, murid esa – Santyago.

• Azaldan Sharqda “Iskandari zamon bo`lsang, ham pirsiz jangga kirma” degan naql bor. Haqiqatan, tasavvuf allomalarining aksariyati ustoz qo`lida tarbiyalanib, kamol topganlar. Ustozning vazifasi shogirdiga ilm o`rgatib, g`ayb sirlarini idrok ettirish va alaloqibat kamolotga yetkazish. Solik bu yo`lda ustozning aytgan so`zidan chiqmasligi shart sanalgan. Garchi nafsni tarbiyalamoq yo`lida og`ir mehnatlar, mashaqqatli vazifalar buyurilgan taqdirda ham.

“Alkimyogar”da keltiriladi: “Olamdagi jamiki nimarsalar yakka-yu yagona narsaning turfa ko`rinishlari ekan”. Haqiqatan, borliq, jamiki mavjudot yagona Ollohning zarralariki,u Javhar-uz zotdir, insonlar, olamlar esa uning tajalliysidir. Tasavvuf ta’limotida uruj va nuzul tushunchalari mavjud. Bu dunyoga kelish va abadiy hayotga qaytish, Ruh osmondan tushadi, jismga kiradi, to Arshga borgunga qadar, yana Ollohga qaytguncha aziyat chekadi. Hazrati Rumiy ham bu jarayonni “Naynoma”larida aks ettirganlar. Xususan: Tinglagil nay ne hikoyat aylagay, Ayriliqlardan shikoyat aylagay.

Sharqda an’anaviy nazariyalardan biri bu komil inson konsepsiyasidir.Komillikka erishish yo`li esa poklanish.Bu yo`lda ilm beruvchilar shayx, murshid, avliyolar.Paulo Koelo tafakkurida esa komillikka erishish – poklanish yo`li bu alkimyo, karomat sohiblari – alkimyogarlar. Yo`l turli bo`lgani bilan muddao bir. Oily haqiqatni anglash. Demak, alkimyo bu tuproqni yoki qo`rg`oshinni oltinga aylantirish emas, qalbni Oliy Javharga aylantirishdir.

E’tiboringiz uchun rahmat