Диссертацияси мавзусини рўйхатдан ўтказиш ва «оак бюллетени»

Тадқиқотнинг мақсади. Мустақиллик даврида (1991-2012 йй.) Ўзбекистонда фуқаролик жамияти институтларининг шаклланиши ва ривожланиши, бу жараённинг тарихий-сиёсий аҳамияти тадқиқ этилади, бу соҳани янада такомиллаштиришга доир назарий ва амалий тажрибалар умумлаштириш асносида илмий хулосалар шакллантирилади.
Тадқиқотнинг объекти. Мустақиллик даврида фуқаролик жамияти институтларининг фуқаролар манфаатларини ифода этиш ва ҳимоялашга доир фаолиятларини миллий ўзлик, хорижий тажрибалар ва замонавий назариялар асосида рнивожланиб бориш жараёни ташкил этади.
Тадқиқотнинг предмети. Мустақиллик даврида Ўзбекистондаги фуқаролик жамияти институтлари – сиёсий партиялар, демократик сайловлар, нодавлат нотижорат ташкилотлар ва ўзини ўзи бошқариш органларининг фуқаролар манфаатларини ифода этиш ва ҳимоялашдаги ўрнини ортиб бориш жараёни, бу соҳада давлатнинг бош ислоҳотчи сифатида амалга оширган ислоҳотлари жараёни ташкил этади.
Кутилаётган илмий янгиликлар. Мазкур диссертация ишида ечиладиган асосий масалалар қуйидагилардан иборат:
1) фуқаролик жамияти институтларига доир категориялар таҳлил этилади;
2) фуқаролик жамияти институтлари историографиси шакллантирилади;
3) фуқаролик жамияти илмий тадқиқотлар объекти сифатида тадқиқ этилади;
4) Ўзбекистонда миллий мустақилликни ўрнатилиши ва жамиятдаги туб ўзгаришлар ўрганилади;
5) Ўзбекистонда фуқаролик жамияти институтларининг ҳуқуқий ва сиёсий асосларини яратиш жараёни тадқиқ этилади;
6) Ўзбекистонда фуқаролик жамиятини шакллантиришнинг ижтимоий-иқтисодий асосларини шаклланиши таҳлил этилади;
7) мамлакатда сиёсий партияларни шаклланиши ва ривожланиши ўрганилади;
8) мамлакатда сайловлар тизимини демократлашув жараёни таҳлил этилади;
9) мустақиллик даврида аҳоли сиёсий маданиятини ўсиши тадқиқ этилади;
10) мамалакатда нодавлат нотижорат ташкилотларнинг шакллантириш ислоҳотлари таҳлил этилади;
11) мамлакатда нодавлат нотижорат ташкилотларнинг жамият институти сифатидаги ўрнини ошириш жараёни ўрганилади;
12) мамлакатда нодавлат нотижорат ташкилотларнинг ижтимоий-иқтисодий асосларини ривожланиши таҳлил этилади;
13) мамлакатда ўзини ўзи бошқариш тизимини шакллантириш ислоҳотлари асосланади;
14) мамлакатда ўзини ўзи бошқариш тизимини демократлаштириш жараёни очиб берилади;
15) фуқароларнинг ижтимоий-сиёсий жараёнлардаги иштирокини ўсиш жараёни таҳлил этилади;
16) диссертацияда олинган илмий натижалар асосида ва таҳлиллардан келиб чиқиб мамлакатда фуқаролик жамияти институтларини янада демократлаштириш ва такомиллаштиришга доир тавсиялар ва таклифлар тизими ишлаб чиқилади.