Диссертация кириш, 3 та боб, хулоса, фойдаланилган адабиётлар рўйхати ва иловалардан иборат. «Спектрал тўр методининг яқинлашиши»

СЎЗГА ЧИҚДИЛАР:

1. 
   ф.-м. ф. д., проф. И. Аллаков сўзга чиқиб, магистрант Ғаффарова Мафтуна Нодир қизи томонидан тақдим этилган диссертация иши долзарб мавзуда бажарилиб, илмий янгиликка ва амалий аҳамиятга эга эканлигини таъкидлаб, уни ҳимояга тавсия қилди.
   
2. 
   ф.-м.ф.н., Э.Холиёров сўзга чиқиб, диссертацияда чизиқсиз тўлқинли жараёнларни ечишда яратилган спектрал-тўр методининг афзаллиги, бу метод билан бошқа турдаги масалаларни ҳам ечишда юқори самарадорликка эришилиши, бундан мураккаброқ масалаларни ҳал қилиш орқали янги илмий ишлар қилиш имконияти кенглигини тўғрисида гапириб, диссертацияни ҳимояга тавсия этиш мақсадга мувофиқ эканлигини таъкидлади.
   

Ғаффарова Мафтуна Нодир қизи «Чизиқсиз тўлқинли жараёнларни математик моделлаштириш» мавзусидаги 5А130202 – Амалий математика ва ахборот технологиялари мутахассислиги магистранти химоя учун тақдим этган диссертациянинг тугалланган илмий-тадқиқот иши ва унда қўйилган тадқиқот мақсадига эришилганлиги тўғрисида хулоса чиқаришда қуйидагиларга асосланилди:

Диссертация мавзусининг долзарблиги. Жаҳон миқёсида олиб борилаётган кўплаб илмий-амалий тадқиқотлар хусусий ҳосилали ноклассик тенгламалар учун тескари ва нокоррект масалаларни ечиш, тақрибий ечимларини қуриш, аниқ ечим билан тақрибий ечим орасидаги фарқ нормасини баҳолаш масалаларига келтирилади. Хусусий ҳосилали ички-чегаравий нокоррект масалалар ва уларнинг математик моделлари геофизик кузатувлар соҳасида турли амалий масалалар, хусусан газ динамикаси, аралаш муҳит механикаси масалалари, акустик тўлқинларнинг тарқалиш масаласи, математик биология муаммолари каби турли ҳил соҳалардаги тадқиқотларнинг объектидир. Ушбу масалаларни ўз ичига қамраб олувчи чизиқли бўлмаган тўлқинли жараёнларни ифодаловчи ҳусусий ҳосилали дифференциал тенглама билан ифодаланадиган Бюргерс тенгламасини сонли ечиш алгоритмлари ва амалий дастурлар мажмуини яратиш муҳим вазифаларидан бири бўлиб қолмоқда.
Диссертацияда танланган мавзу чизиқли бўлмаган тўлқинли жараёнлар табиатини сонли моделлаштириш орқали тадқиқ этишга бағишланганлиги унинг долзарблигини кўрсатади, ушбу жараёнларни тадқиқ этиш зарурати радиотўлқин ва алоқа тўлқинларини ўрганишда муҳим аҳамиятга эга.