Диссертация ҳимояга рухсат этилди

Базислик инновациялар принципиал янги қарор бўлиб, янги тармоқни шакллантиради (масалан: арава-автомобиль, телефон-уяли телефон). Одатда бундай инновациялар янги илмий кашфиёт асосида амалга ширилади. Базислик инновациялар модифицирлаштирилган янгилик жорий этишнинг пакет (кластер)ини ишлаб чиқишга асос бўлиб хизмат қилади.
Модификацияловчи инновациялар базислик янгилик киритишнинг тубдан ўзгартирувчи (такомиллаштирувчи) қарорни акс эттиради (масалан, кассетали магнитофон – дискли магнитофон). Модификацияловчи инновациялар ошланғич моделлар хусусиятларини такомиллаштиришга хизмат қилиб, ўзининг яратилиши принципларига таянган ҳолда амалга оширилади.
Ёлғон инновациялар базислик, яъни асосий янгиликни жорий этилганликни қисман ўзгартиришга қаратилган қарорни ифодалайди (масалан, иккита қулоқли чойнак).
Инновацион ғоялар манбаи турли хил бўлиши мумкин. Янгиликнинг пайдо бўлиши эҳтиёжларни рағбатлантиришга хизмат қилади. Инновацион жараённи амалга жорий этишни секинлаштириш ёки рад этиш орқали рискни миқдорини аниқлаш мумкин. Агарда корхона бозорни тўлдириш учун ташкил этилган бўлса, риск миқдори инновацияни жорий этишдаги рискдан кичикроқ бўлади. Саноат корхоналарида илмий янгиликни орий этишда кўп тўсиқлардан ўтиш, айниқса, ходимларнинг психологик ҳолати инобатга олиниши зарур.
Инновациялар маҳсулот (янги товар) ёки жараён шаклида (янги технология, янги методика, меҳнатни янги ташкил этиш) бўлиши мумкин.
Инновацияларни жорий этиш масштаби унинг моҳияти ва заруратидан келиб чиқади. Жорий этиш соҳаси қанчалик кенг бўлса, янгилик жорий этишнинг самарадорлиги шунчалик юқорироқ бўлади.
Ички ташкилий инновациялар амалга оширилаётганда янгилик яратилади ва корхона ёки унинг бўлимларида фойдаланилади. Бундай ҳолатда янгилик жорий этиш товар шаклини олмайди, яъни савдо жараёнига мўлжалланмайди. Ташкилотларда инновацияларни жорий этишда янгиликни ишлаб чиқувчи ва уни яратувчилар функцияларини истеъмолчининг функцияларидан ажратилади. Янгиликнинг аҳамияти унинг тармоқ ёки бир нечта тармоқда кўлланилиш ҳажми билан ўлчаниши мумкин.
Корхонанинг инновацион фаолиятида, унинг рақобатбардошлигини таъминлашда стратегиянинг моҳияти ва ўрни каттадир. Бозордаги вазият ва танланган стратегияни инобатга олган ҳолда, корхона реактив ёки стратегик янгиликни жорий этиш мумкин.