Диссертация ilmiy rahbar dots. M. Melibaev " " 2022 yil

Насослар, компрессорлар ва вентиляторлар тўғрисида асосий қоидалар

1. Насослар суюқ муҳит оқимини ҳосил қилувчи гидравлик иш машиналари ҳамда аппаратларидир. Насослар берилган механик ёки бошқа турдаги энергияни ўзи орқали оқиб ўтадиган суюқликнинг гидравлик энергиясига айлантириб бериш принципи бўйича ишлайди.
Насосларни ҳаракатга келтириш учун кўпинча электродвигателлардан, баъзан ички ёнув двигателларидан фойдаланилади. Ҳамма насослар икки асосий гуруҳга динамик ва ҳажмий насосларга бўлинади.
Динамик насосларда суюқлик насоснинг кириш ҳамда чиқишлари билан доимий боғланган камерадаги куч таъсирида силжийди. Бундай насосларга: парракли, уюрмавий, оқимли, вибрацион ва бошқа турлари киради.
Ҳажмий насосларда суюқлик насоснинг кириш ҳамда чиқишлари навбати билан уланиб турадиган камера ҳажмининг даврий равишда ўзгариб туриши натижасида силжийди. Бу гуруҳга: поршенли, плунжерли, диафрагмали, ротор ли, шестерняли ва бошқа типдаги насослар киради.
Суғориш,зах қочириш ёки сув билан таъминлаш соҳаларининг мутахассислари фақатнасослар билан эмас, балки насос агрегатлари, насос қурилмалари ва насос станциялари билан ҳам иш кўришлари керак бўлади.
Насос агрегати ўзаро узатиш механизми билан боғланган насос ҳамда юритиш двигателидан иборат.
Насос ёки сув чиқариш қурилмаси – насоснинг ишлашини таъминлайди ган махсус схема бўйича монтаж қилинган жиҳозлар комплекти.
Насос станцияси сув билан таъминлаш ёки суғориш тизимларининг тар қатиш тармоқларига сувни узликсиз узатиб туришни ёки зах қочириш ёхуд ка нализация тизимларидан сувни ҳайдаб чиқаришни таъминлайдиган гидротехник иншоотлар ва насос қурилмалари комплексидир.
Сув олиш ва уни насос станцияси биносига келтиришга мўлжалланган иншоатлар, насос станциясининг биноси, босим трубалари ҳамда чиқарилган сувни қабул қилувчи иншоотлар комплекси машина билан сув чиқариш гидро техник узеллари деб аталади.

1. 
   Насосларнинг тузилиши ҳамда ишлаши ҳақида умумий маълумотлар