Дискрет тузилмалар

II. Ўқув фанининг мақсади ва вазифалари
Фанни ўқитишдан мақсад – талабаларга дискрет тузилмалар фани бўйича билимларнинг назарий асосларини, дискрет математиканинг асосий тушунчаларини, мантиқий ва алгоритмик фикрлашни, математик кўринишда формаллаштирилган масалаларни ўзлаштира олишни, математик кўринишда формаллаштирилган масалаларни еча олишни, олинган ечимларни таҳлил этишни, дискрет тузилмаларва унинг татбиқлари бўйича ўқув адабиётларини мустақил ўрганишни, дискрет тузилмаларфанига доир асосий тушунчаларнинг мутахассислик фанлари билан боғлиқлигини ўргатиш ҳамда уларни амалиётга татбиқ этиш кўникмасини ҳосил қилишдан иборат.

Ушбу мақсадга эришиш учун фан талабаларни назарий билимлар, амалий кўникмалар ҳамда илмий дунёқарашини шакллантириш вазифаларини бажаради.

Фан бўйича талабаларнинг билим, кўникма ва малакаларига қуйидаги талаблар қўйилади. Талаба:

• 
  дискрет тузилмаларфанига оид билим асослари, асосий тушунчалар, уларнинг амалиётга татбиқи бўйича аниқ тасаввурга эга бўлиши;
  
• 
  дискрет тузилмалар фанига оид билим асосларини, графлар назарияси, математик мантиқ элементлари ва уларга доир қоидалар, тушунчаларни билиши ва улардан амалиётда фойдалана олиши;
  
• 
  талаба дискрет тузилмалар фанига доир масалаларни таҳлил қилиш, уларни мустақил еча олиш кўникмаларига эга бўлиши керак.
  

III.Асосий назарий қисм (маъруза машғулотлари)
Маъруза машғулотларининг тавсия этиладиган мавзулари

1-2-мавзу.Тўпламлар. Қисм тўпламлар
Тўплам тушунчаси, тўплам элементлари. Тўпламга тегишлилик тушунчаси. Универсал тўплам. Бўш тўплам. Чекли (чексиз) тўпламлар.Хос тўплам. Тўпламларнинг берилиш усуллари ва улар устида амаллар.