Diplomsiz ziyoli

ESLASHGA ARZIGULIK INSON…
Azizov Isroil
(1961-2021)
Muzrabo tumanida tug’ilgan hamqishlog’imiz o’rta maktabni tamomlab Sovetoboddagi texnikumda tahsil oldi. U asosan savdo sohasida ishladi. Uni yaxshi bilganlar mehnatkash, mehribon, oilparvar inson sifatida eslaydi. Rafiqasi: Navro’zova Salomat. Farzandlari: Jo’rabek, Shahboz, Mohichehra, Sadoqat. Hamqishlog’imiz yodi farzandlari xalqimiz qalbida badiy yashaydi.
U BO’LMAGAN DARSLARDA…
Jo’raev Meylimurod Turobovich
(1961-2003)
Meylimurod Denov tumanining O’zbekiston kolxozida dunyoga keldi. U Hamza Hakimzoda Niyoziy nomli o’rta maktabni tugatgach, 1982 yilda Termiz savdo kooperativ texnikumiga kiradi. Texnikumda insoniyligi bilan kursdoshlari qalbidan joy oldi. U darsga bormasa, auditoriya huvillab qolgandek tuyulardi. Meylimurod harbiy xizmatdan so’ng bir umr savdo sohasida ishladi. Rafiqasi Jumaeva Gulbahor bilan totuv umr kechirib, oqil farzandlarni kamolga yetkazdi.
U BOLALAR TIRIK QOLGANLARIDA…
Avazov Panji
(1962-1979)
Odamzod dunyodan bevaqt ketmasin ekan, hech bo’lmaganda undan bir zurriyot qolsa ham uning nasli davom etaveradi. Taassuflar bo’lsinki, Avazov Panji atigi 18 yoshida hayotdan bevaqt ko’z yumdi. Darband qishlog’ining Xamikabud dahasida Kenja Avaz xonadonida tug’ilgan bu navqiron yigit onasiga tandir yasaydigan tuproq olib kelish uchun ukalari bilan tuproq qaziyotganida jar uning boshiga qulaydi. O’sha kuni aka-ukalar jar tagida qolib vafot etdi. Ota-ona bir kunda barcha o’g’lidan ajraldi. Erkakning qismati shunaqa. Oila uchun nimalar qilmaydi, qayerlarga bormaydi, deysiz. Bizlar o’sha mash’um kunlarda 8 sinf o’quvchilari edik. Bu fojia butun Darbandni yig’latganini ko’zimiz bilan ko’rganmiz, mushfiq onaning nolasini eshitib dahshatga tushganmiz. O’sha mudhish kun hamon esimizda. Har gal Panji aka va uning ukalarini eslaganimda: “Balki, tirik bo’lganlarida buyuk inson bo’lisharmidi?”, deb o’yga tolaman.