Diplom ish loyihasi

Ma’muriyatning xavfsiz va sog‘lom ish sharoitini tashkil
qilish majburiyatlari.
Sanoat korxonalarida, tashkilotlarida xavfsizlikni ta’minlash va ish sharoitini yaxshilash ma’muriyatning asosiy vazifasi sifatida mehnat qonunlari Kodeksiga yozib qо‘yilgan.
Ma’muriyat tarkibiga rahbar xodimlar, ya’ni sanoat korxonalari tashkilotlarida tashkilotchilik, ma’muriy-xо‘jalik ishlarini amalga oshiruvchi, ishlab chiqarish jarayonlarini tashkil qiluvchi, ishlab chiqarishda xodimlarni yoshqaruvchi, moddiy mablag‘larni taqsimot bilan ishlatish va uni nazorat qilish ishlarini olib boruvchi shaxslar kiritiladi.
Ma’muriyat xodimlariga qо‘yiladigan asosiy talablar shundan iboratki, ular davlat siyosati va uni amalga oshirish, davlat va xalq manfaatlarini yaxshi tushungan bо‘lishlari, mehnat sharoiti tartibini saqlay bilishlari, ishchilarni mehnat intizomini saqlash va ishga rahbatlantirish, ish unumini oshirish darajasini bir necha о‘n yil oldindan kо‘ra biluvchi shaxs bо‘lishlari kerak. Ma’muriyat zimmasiga yuklatiladigan asosiy majburiyatlar asosan ishchilar bilan ma’muriyat о‘rtasida tuziladigan mehnat bitimidan kelib chiqadi. Mehnat bitimini tuzish majburiyati О‘zbekiston Respublikasi Mehnat vazirligi tomonidan belgilangan. Bu qonuniyat sifatida quyidagicha tahlil qilinadi. Ishchi ma’lum mutaxassislik bо‘yicha belgilangan ishni korxona ichki tartib qoidalariga rioya qilgan holda bajarishni, ma’muriyat esa mehnat qonunlariga asosan va jamoat bitimida kо‘zda tutilgan ma’lum miqdordagi majburiyatlar mundarijasini о‘z zimmasiga oladi.
Mehnat qonunlarida kо‘zda tutilgan majburiyatlar quyidagilardir:
Har bir ishchi, xizmatchini mutaxassisligi va malakasiga qarab ma’lum mashina, stanok va boshqalardan iborat ish joyi, sog‘lom va xavfsiz ish sharoiti, sifatli ish qurollari bilan ta’minlash, sanoat va mehnat intizomini har taraflama mustahkamlash, ish sharoitini kundan-kunga yaxshilab borishni ta’minlash maqsadida zarur texnik jihozlar о‘rnatish, shuningdek mehnatni muhofaza qilishning nomenklatura chora-tadbirlarini amalga oshirish.
Bundan tashqari rahbar xodimlarga xizmat vazifalari ham yuklanadi. Bu vazifalar boshqaradigan lavozimga doir tavsiyanomada belgilangan bо‘ladi.