Mirzo Ulug’bek nomidagi O’zbekiston milliy universiteti Iqtisodiyot Fakulteti

Mirzo Ulug’bek nomidagi O’zbekiston milliy universiteti Iqtisodiyot Fakulteti ikkinchi oliy ta’lim 2-bosqich talabasi suyunov mirkomilning mintaqaviy iqtisodiyot fanidan mustaqil ishi

Mahsulot eksport qiladigan korxonalarni qo’llab-quvvatlash va rahbatlantirish yo’llari

2010 yilda tashqi savdo va to’lov balanslari ham sezilarli darajada mustahkamlandi. Hamon davom etayotgan jahon moliyaviy-iqtisodiy inqirozi sharoitida eksportning umumiy hajmi 10,8 foiz, tashqi savdo balansining ijobiy saldosi esa 1,8 barobar oshdi va 4 milliard 200 million dollarni tashkil etdi. Mamlakatimizning oltin-valyuta zaxirasi ham shunga muvofiq ravishda ko’paydi.

Hozirgi kunda jahon iqtisodiy inqirozi oqibatlarining oldini olish va ularni bartaraf etish bo’yicha Inqirozga qarshi choralar dasturi tasdiqlanib, tarmoqlar va hududlar bo’yicha aniq chora-tadbirlar amalga oshirilmoqda. Inqirozga qarshi choralar dasturini amalga oshirish  allaqachon boshlab yuborilgan va 2010 yilning yakunlari bu dastur ijrosi o‘zining ishonchli natijalarini berayotganini ko’rsatdi.

Inqirozga qarshi choralar dasturining konkret bo’limlari — belgilangan kompleks chora-tadbirlar ichida asosiy vazifalardan biri korxonalarni modernizatsiya qilish, texnik va texnologik qayta jihozlashni yanada jadallashtirish, zamonaviy, moslashuvchan texnologiyalarni keng joriy etishga qaratilgan.

Bu o’rinda  ishlab chiqarishni modernizatsiya qilish, texnik va texnologik qayta jihozlash, xalqaro sifat standartlariga o’tish bo’yicha qabul qilingan tarmoq dasturlarini amalga oshirishni tezlashtirish vazifasi qo’yildi. O’z navbatida, bu mamlakatimizning ham tashqi, ham ichki bozorda barqaror mavqega ega bo’lishini ta'minlash imkonini beradi.

Modernizatsiya juda keng tushuncha bo’lib, bugungi kunda uni jamiyat hayotining turli jabhalarini tubdan o’zgartirish, yangilash, bu borada taraqqiyotni jahondagi mavjud ilg’or andozalar tomon yo’naltirish va takomillashtirish jarayonlarining majmui sifatida ifodalash mumkin.

Respublika sanoatini yanada barqaror rivojlantirish, ishlab chiqarilayotgan mahsulotlar sifati hamda raqobatbardoshligini oshirish, eksport hajmlarini ko’paytirish maqsadida korxonalarni modernizatsiyalash, texnik va texnikaviy qayta jihozlashga doir 11 ta dastur O’zbekiston Respublikasi Vazirlar Mahkamasi tomonidan tasdiqlangan.