Diplom ish loyihasi

IV.Mehnat muhofazasi va texnika xavfsizligi
Zararli mehnat sharoitlarida mehnat muhofazasi:
Kо‘pgina kimyo sanoati korxonalarida va mashinasozlik sanoatining quyish, eritish sexlarida ish soati kuniga olti soatga qisqartirilgan. Bundan tashqari zararli zonalarda ishlagan ishchilarga qо‘shimcha dam olish kunlari beriladi va ishchi о‘z sog‘lig‘initiklashiga imkoniyat turi­ladi. Mashinasozlik sanoatining bir qancha sexlarida ishchilar oladigan oyligiga 13 foiz atrofida va ba’zi uchastkalarda esa 30-33 foiz ustama haq tо‘lanadi.
Zararli moddalar ajralish xavfi bо‘lgan sexlarda ishlovchilar kuniga yarim litr miqdorda sut yoki shunga yarasha boshqa eqtiyot chora sifatida ayrim mahsulotlarni oladilar. Sut olishi zarur bо‘lgan kasblarni FZKU bi­lan kelishilgan holda korxonaning rahbar xodimlari belgilaydi. Bunga О‘zbekistan Sog‘liqni saqlash vazirligi tomonidan ishlab chiqarilgan ilmiy xulosalar asos qilib olinishi kerak.
Tananing ba’zi bir qismlari yoki hammasi ifloslanishi mumkin bо‘lgan ishlarda mehnat qiluvchi ishchilar bepul sovun bilan ta’minlanadilar.
О‘zbekiston Respublikasi Mehnat kodeksida ishlab chiqarish korxonalari ma’muriyati mehnatkashlarga ishlab chiqarish bilan bog‘liq har qanday shikastlanish yoki zararlanishni, shuningdek moddiy yuqotishni qoplash majburiyatini olishi alohida kо‘rsatilgan.
Xavfsiz ish sharoitini yaratish borasida yо‘l qо‘yilgan har qanday kamchilik yoki xavfsiz ishlash sharoitini tashkil qilmaslik natijasida ishchining baxtsiz hodisaga uchrashi — sanoat korxonasining yoki rahbar xodimlarning aybi hisoblanadi. Moddiy yо‘qotishni qoplash miqdori va tartibi maxsus qoidalar asosida belgilanadi.
Mehnat Kodeksining 137 - bandiga binoan zararli mehnat sharoitlarida mehnat qilayotgan ishlovchilar uchun jamoa shartnomasida har yillik mehnat tatillariga qо‘shimcha tatil kunlari belgilanadi. Qо‘shimcha mehnat tatili minimal miqdori, og‘ir mehnat sharoitlarida ishlayotganlar uchun, О‘zbekiston Respublikasi Vazirlar Mahkamasining 1997 yil 11 martdagi 133-Qarori bilan 12 kun qilib belgilab qо‘yilgan. Bunday sharoitdagi haftalik ish davomiyligi 36 soatdan oshmasligi kerak.