Dinda savolim bor. 3-kitob

Mevani tupida sotsa bo‘ladimi? 

 

Savol: Hozir ayrim kishilar xurmo, olma, nok kabi mevalarni tupida turib, 

pishmasdan sotib yuborishyapti. Shunga shariatimizda ijozat bormi? 

Javob:  Foydalanish vaqtiga yetgan bo‘lsa ham, yetmagan bo‘lsa ham, mevali 

daraxtning mevasini tepasidaligidayoq sotish mumkin. Xaridorga mevani uzib daraxtni 

bo‘shatish vojib bo‘ladi. Savdo vaqtida daraxtdagi mevani uzmay turish shart qilinsa, 

savdo buzuq (fosid) bo‘ladi. 

 

Hayvon so‘yishga oid hukmlar qaysilar? 

 

Savol: Hayvonlarni so‘yishning bir necha shar’iy hukmlari bor ekan. Shular 

haqida ma’lumot bormi? 

Javob: Alloh taolo bizlarga ato etgan va iste’molini halol qilgan hayvonlarning go‘shti 

faqat shar’iy yo‘l bilan so‘yilganidagina halol bo‘ladi. Hayvonlarni shar’iy so‘yish usuli 

bunday: ular so‘yiladigan joyga olib kelingach, oyoqlari bog‘lanib, kallasi qiblaga qaratib 

yotqiziladi (bu amal mustahabdir). Bungacha pichoqlarni o‘tkirlab, oldindan tayyorlab 

qo‘yish kerak. Chunki hayvon yotqizilganidan so‘ng pichoqlarni o‘tkirlash makruhdir, 

bunda mol ozorlanadi. Bevosita pichoq tortishdan oldin qassob «Bismillahi, Allohu 

akbar», deb hayvonning hiqildog‘i yonidan, bo‘yin tarafidan (ya’ni, ko‘krak tomonidan) 

pichoq tortadi. Pichoq tortishda to‘rt narsa - qizilo‘ngach, ikki qon tomiri va kekirdak 

kesilishi kerak. Hayvonning joni batamom chiqib bo‘lgunicha umurtqa tomiriga pichoq 

tekkizilmaydi, terisi shilinmaydi, kalla batamom uzilmaydi. 

Hayvonni so‘yishga yotqizishdan oldin boshiga bolg‘a yo o‘tkir nayza urib yoki elektr 

toki yordamida yiqitib so‘yish shar’an mumkin emas. Bu usullar bilan so‘yilgan hayvon 

go‘shtini yeb bo‘lmaydi. So‘yilgan hayvonning sakkiz a’zosini - bezlari, erkaklik a’zosi, 

urg‘ochilik a’zosi, orqa yo‘lining 

oxiri, moyaklari, so‘yilganida tomirdan otilib chiqqan qoni, o‘t pufagi, siydik pufagini 

yeyish mumkin emas. 

So‘yilgan hayvon terisini shilishdan oldin og‘iz bilan puflab shishirish makruhdir. 

Bunda dam urgichdan foydalanish mumkin.