Desmurgiya

Bosh va yuz sohasini bog‘lash.
 
Vazifasiga ko‘ra bog‘lamlarning bir necha turi farqlanadi.
Gippokrat qalpog‘i.
Bog‘lam bog‘lash uchun ikki boshchali bint yoki ikkita 
bint qo‘llaniladi. O‘ng qo‘ldagi bint boshchasi bilan sirkular o‘ramlar qilinadi va 
bintlanayotgan o‘ramlar mahkam- lanadi. Ular tarqalib yoki to‘planib asta-sekin 
kalla gumbazini bekitadi (12-rasm, 
a
).
Qalpoqcha shaklidagi bog‘lam.
Taxminan 1 m uzunlikdagi bint parchasi 
bosh tepasiga ko‘ndalang yo‘nalishda qo‘yiladi, ikki uchi esa quloq suprasi 
oldidan pastga tushiriladi va tarang qilib tortib turiladi (yordamchi yoki 
bemorning o‘zi). Bint bilan bosh atrofidan birinchi sirkular o‘ram qilinadi. 
keyingi o‘ram bog‘ga yetgach bint shu bog‘ atrofida aylantiriladi va biroz 
qiyshiq yo‘nalishda ensani berkitib yurgiziladi. Ikkinchi tomonda bint bog‘ 
atrofida qarama-qarshi tomonga aylantiriladi va qiyshiqroq yo‘nalishda 
boshning peshona qismiga olib boriladi. Bintning keyingi o‘rami bilan ensa sohasi 
berkitiladi va hokazo. Shu tariqa bosh bir tekisda bintlanadi. Bintning uchi 
bog‘ga bog‘lanadi, keyin bog‘ uchlari jag‘ ostidan bog‘lanadi (12-rasm, 
b, d
). 
12-rasm. Boshga qo‘yiladigan bog‘lam:
a
— boshdagi qaytuvchi bog‘lam; 
b
— Gippokrat qalpoqchasi;
d
— qalpoqcha bog‘lam.