Иқтисодий самара: Иситиш тизимида иссиқ сув ҳароратининг ортиши ва иссиқлик беришнинг 50-95% га ортиши.
Иситиш тизимининг қувурлар тармоқлари ва асбоб-ускуналарни алмаштирмасдан хизмат қилиш муддатининг 15-20 йилга ортиши (айниқса мунтазам равишда тозалаб турилганда) ва режадан ташқари таъмирлашлар сонининг кескин камайиши.
Иситиш тизимларини пневмоимпульс билан тозалаш Россия Фанлар Академиясининг Сибирь бўлими назарий ва амалий механика Институтида саноат ва маиший хоналарнинг иситиш тизимларини пневмоимпульс билан тозалаш технологияси ишлаб чиқилган ва қўллаш учун тавсия қилинган. Иситиш тизимлари ва туташтирувчи қувурлар тармоқларининг ичидаги чўкиндилар тозаланадиган иситиш тизимининг ичида оқадиган суюқликда ҳосил қилинадиган зарба-тўлқин тизими билан емирилади ва шу суюқликнинг ўзи билан олиб чиқиб кетилади. Суюқликнинг ичида зарба тўлқинларини ҳосил қилиш учун унинг юзасига катта босим остида сиқилган ҳавонинг таъсиридан фойдаланилади (1-расм).
1-расм. Иситиш тизимларини пневмоимпульс билан тозалаш схемаси.
Иситиш тизимларини пневмоимпульс билан тозалаш учун мўлжалланган асбоб-ускуналар қуйидагиларни ўз ичига олади (1-расмга қаралсин): 7 сиқилган ҳаво манбаи, 2 пневмоимпульс генератори ва унда 5 капилляр тешик ўйилган 4 ажратувчи поршенга эга бўлган 3 чиқарувчи цилиндр. Пневмоимпульс генератори чиқарувчи цилиндрнинг киришига ўрнатилган, цилиндрнинг чиқиши эса қувурлар тармоғи ёрдамида 8 тозаланадиган иситиш приборининг бўшлиғига уланган, прибор 9 шарли вентиль орқали 7 стояк билан туташтирилган. Чиқарувчи цилиндрда пневмоимпульс генераторидан келадиган сиқилган ҳавони чиқариш учун мўлжалланган 6 тешик очилган.
Иситиш тизими суюқлик билан тўлдирилади ва тизимни ювиш ва емирилган чўкиндиларни тутиб қолиш учун бу суюқликнинг чўкинди тўплагич орқали циркуляцияланиши ташкил қилинади. Иситиш тизимидаги суюқлик чиқарувчи цилиндрнинг ичига киради ва ажратувчи поршенга таъсир кўрсатиш билан уни цилиндрнинг киришидаги бошланғич ҳолатга силжитади. Бунда цилиндрдаги суюқлик билан сиқиб чиқариладиган ҳаво 5 капилляр тешик орқали чиқиб кетади. Пневмоимпульс генератори берилган босимгача сиқилган ҳаво билан юклангандан кейин генератор ишга туширилади. Шу моментда сиқилган ҳавонинг кескин импульси ажратувчи поршенга таъсир кўрсатади, суюқликда зарба тўлқинининг шаклланишини чақиради. Поршен цилиндрдан суюқликни сиқиб чиқариш билан силжий бошлайди. Пневмоимпульс генераторининг иш самарадорлигининг ортиши учун 6 тешик орқали ҳавони чиқариб юборишнинг давомийлиги поршеннинг ҳаракатланиш вақтидан анчагина ошиқ бўлиши лозим.
Поршен ўзининг юришининг охирида кескин тўхтайди, бу суюқликда сийраклашган тўлқиннинг шаклланишига олиб келади. Сиқилиш ва кенгайиш тўлқинлари иситиш тизимида чўкиндиларнинг емирилишини чақиради, циркуляцияланадиган суюқлик эса бу чўкиндиларни чўкинди тўплагичга олиб чиқади. Поршеннинг ҳаракати жараёнида суюқлик тезлигининг қўшимча ортиши чўкиндиларнинг чиқиб кетишини тезлаштиради.