Denov tadbirkorlik va pedagogika instituti ijtimoiy-iqtisodiy fakulteti xorijiy til va adabiyoti kafedrasi

O`quv fanining maqsad va vazifalari
O`qitishdan maqsad – talabalarda xitoy tilidan fonetik va morfologik, stilistik, grammatik bilim va ko`nikmalarni shakllantirishdan iborat.
Fanning vazifalari – talabalarda xitoy tilida ravon so`zlashishni, ohang va urg’ularni to`g’ri qo`llashni, turli mavzudagi materiallarni erkin tarjima qila olishni, fikrni tinglovchiga etkaza bilish mahoratini, auditoriya bilan muloqot, nutqda fikr izchilligi va mantiqiylikni o`zlashtirishdan iborat.


Fan bo`yicha talabalarning bilimiga, ko`nikma va malakasiga qo`yiladigan talablar
“Qo`shimcha sharq tili (xitoy tili) o`quv fanini o`zlashtirish jarayonida bakalavr:
- muloqotning og’zaki va yozma turlari;
- o`rganilayotgan tilda so`zlovchi shaxslarning keng tarqalgan kundalik va kasbiy vaziYatlarda so`zlagan nutqini tushuna olish;
- eshitilayotgan matnlardan (radio, televidenie, videokassetalar) hamda ilmiy matnlarni tushuna olish va ulardan o`zi uchun zarur bo`lgan axborotni ola bilish;
- jahonning turli davlatlari madaniyati xususiyatlarini qiyoslash, solishtirish va tahlil qilish;
- lisoniy va o`lkashunoslikka aloqador bilimlarni kengaytirish va chuqurlashtirish, kommunikativ ko`nikmalarini faollashtirish uchun zamonaviy informatsion texnologiyalardan foydalanish malakasiga ega bo`lishi va ulardan foydalana olishi;
- o`rganilayotgan tilda xorijiy mutaxassislar bilan kasbiy va maishiy vaziYatlarda jonli muloqot olib borish;
- har xil mavzu va matnlarni o`qitish olib borilayotgan tilga suhbat, nutq va ma’ruzalarni og’zaki izchil va sinxron tarjima qila olish;
- Yangi informatsion texnologiyalardan kasbga yo`naltirilgan maqsadlarda foydalana olish ko`nikmasiga ega bo`lishi zarur.