Denov filiali pedagogika fakulteti

O’quvchilarga 1dan 10gacha sanatiladi. Shu so’zlar doskaga yozib boriladi. So’roq berdiriladi. O’quvchilar diqqati ikki, yetti, sakkiz, to’qqiz so’zlarining imlosiga qaratiladi. Matematikada sanoq bildirgan so’z nimalar yordamida, ona tilida nima yordamida yozilishi so’raladi.
Suhbat orqali xulosa chiqariladi: So’zlar harakat, belgi bildirishdan tashqari sanoqni ham bildiradi. Narsalarning nechta ekanini sanoq so’zlar bildiradi. Ularning tagiga to’lqinli chiziq chiziladi.
2.150-mashq shartiga ko’ra bajariladi. Ishlash namunasi ko’rsatiladi, o’quvchilar davomini mustaqil bajaradilar. O’quvchilar bu mashq orqali mantiqiy fikrlashga o’rganadilar.
3.Yangi mavzuni mustahkamlash. 151-mashqdagi she’r ifodali o’qitiladi. Qisqa suhbat o’tkaziladi:
Shoir nima uchun daraxtlar haqida so’zladi?
Daraxtlar nima uchun kerak?
Qushlar qayerlarga uy quradi?
She’rni qaysi shoir yozibdi?
Topshiriq: She’r matnini husnixat bilan ko’chiring. Nechta? so’rog’iga javob bo’lgan so’zlarni so’roqlar yor­damida aniqlab, tagiga to’lqinli chiziq chizing.
So’ng suhbat orqali bir, uch, ikki, so’zlari nimaning sanog’ini bildirishi (chinor, baqaterak, laylak), bu so’zlarning so’rog’i (nima?), ma’nosi (narsani bildiradi) o’quvchilarga aniqlatiladi.

4. 
   Lug’at ishi. Qo’sh olmurut: qo’sh — ikkita;
   

olmurut — nok.
Bir juft chinor: bir juft — ikkita.
Ark qildi — saroy, qasr qurdi.
Ark qildi jumlasining ma’nosini izohlash jarayonida Vatan mavzusida, unga munosabat haqida qisqa suhbat uyushtiriladi.

4. 
   152-mashq uyga vazifa qilib beriladi. O’quvchilarga raqamlarni harfiy ifodalar bilan yozish, ularga so’roq berishni bilib kelishi, topishmoqlarning javobini topib yozishi aytiladi.
   
5. 
   Darsda o’rganilganlarni umumlashtirib yakunlash: O’ylang: Harakat bildirgan so’zlar nimaning harakatini bildiradi? Belgi bildirgan so’zlar-chi? Sanoq bildirgan so’zlar-chi? Sanoq bildirgan so’zlarni qanday aniqlaysiz? Ularni ona tilida nimalar bilan ifodalaysiz?
   
6. 
   Darsda qatnashganlarning reyting ballari qo’yiladi.