Demografik siyosat o’tkazishning ijtimoiy-psixalogik usulini jamiyatda qo’llash metodikasini ishlab chiqish

Iqtisodiy usulda

• Iqtisodiy usulda demografik hodisalarni iqtisodiy qo’llab quvvatlash nazarda tutiladi. Jumladan, bunga tug’ilishni ko’paytirish, ko’p farzandli oilalar uchun uy-joy olishga imtiyoz, farzandlarga nafaqa ajratish, maktabgacha tarbiya muassasalari, maishiy xizmat ko’rsatish tarmoqlarini rivojlantirish va. boshqalar kiradi. Shuningdek, ko’chib kelgan hududdagi migrantlar uchun ijtimoiy himoya, ish xaqi, ish joyi, uy-joy, madaniy-maishiy xizmat ko’rsatishni tashkil etish kabilarni iqtisodiy qo’llab quvvatlash ham nazarda tutiladi.

Ma’muriy-huquqiy usulda

• Ma’muriy-huquqiy usulda aholining takror barpo bo’lishi rasmiy qonun hujjatlari asosida boshqariladi (qonunchilik xujjatlari, kontratseptivik vositalarni ishlab chiqish, foydalanish uchun ruxsat yoki taqiq, birinchi nikohga kirish yoshining belgilanishi, harbiy xizmatga chaqirilgan oilali, farzandi bor erkaklarga turli imtiyozlarning belgilanishi va hokazo). Binobarin, bu usulda ijtimoiy fondlardan aholining turli guruhlari uchun aksiyalarning taqsimlanishi, o’qishga qabul qilishdagi imtiyozlarning belgilanishi kabi ishlar o’z ichiga olinadi.

Ijtimoiy-psixologik usulda

• Ijtimoiy-psixologik usulda ommaviy axborot vositalari faol ish olib boradi. Ommaviy axborot vositalari orqali aholining demografik mayliga ta’sir o’tkazish, demografik jarayonlarni boshqarish muhim hisoblanadi. Bu usulni odatda aholini «demografik tarbiyalash», deb ham ataladi. shu boisdan, demografik siyosatning bu usulidan foydalanishda ko’proq ommaviy axborot vositalari orqali jamiyatda, oilalarda oilaga yoshlarni tarbiyalash, turli tarbiya, ta’lim muassasalarida demografik jarayonlarga bo’lgan aholining reproduktiv xulqi, madaniyatini tarbiyalash masalalari muhim o’rin tutadi.

Yoshlarni oilaga tayyorlash

• Demak, oilaning jamiyatdagi muhim o‘rni, ma’naviy-axloqiy, tarbiyaviy ahamiyati, qadr-qimmatini anglash va shu ijtimoiy pedagogik vazifalarni amalga oshirish bugungi dolzarb masaladir.
• Mustaqillikka qadar oilaviy hayotga tayyorlash muammosiga etarli e’tibor berilmay, maktab, oliy o‘quv yurtlari o‘quv rejalarida o‘smir yoshlarni oilaviy hayotga tayyorlash, kelajakda o‘zlari ota-ona sifatida farzand tarbiyalashlari, oilada sog‘lom psixologik muhit yaratish, sog‘lom turmush tarzini barpo etish kabi juda ko‘p masalalar tadqiqotchilarning nazarlaridan chetga qolgan.