Декабрь 2020 10-қисм

«Қизиқарли дарс – энг тўғри дарс»
А.Эйнштейн
Республикамизда  мактаб  таълим  тизимида  кенг  кўламдаги  ислоҳотлар  амалга 
оширилмоқда. Ўзбекистон Республикаси Президентининг 2020 йил 6 ноябрдаги «Таълим-
тарбия тизимини янада такомиллаштиришга оид қўшимча чора-тадбирлар тўғрисида» ПҚ-
4884-сонли  Қарори,  шунингдек  Ўзбекистон  Республикаси  Президентининг  2020  йил  12 
августдаги «Кимё ва биология йўналишларида узлуксиз таълим сифатини ва илм-фан на-
тижадорлигини ошириш чора-тадбирлари тўғрисида»ги ПҚ-4805-сонли Қарорида мактаб 
таълим тизимида фанларни, жумладан кимё, биология фанларини ўқитиш сифатини оши-
риш, ўқитиш методологиясини замон талабларига мослаштириш юзасидан аниқ вазифалар 
белгиланган [1, 2].
Мактабда  замонавий  таълим  жараёни  дарс  ўтиш  жараёнига  ижодий  ёндашувни  талаб 
этади.  Замонавий  инновацион  технологиялар,  компюьютер-коммуникация  воситалари 
ўқувчиларга  уларнинг  истеъдоди,  билимларни  ўзлаштириш  даражасига  кўра,  дифферен-
циал таълим бериш, ўз навбатида жараён интенсификацияси, самарадорлиги даражасини 
ошириш имконини беради. Айниқса, бунда интерфаол (interact – ўзаро муносабат, act – 
ҳаракат, фаолият деган маънони англатади)  дарс услубларидан фойдаланиш ўқувчиларда 
назарий-амалий  билимларнинг  тез  ўзлаштирилиши,  кўникма  ва  малакаларнинг  барқарор 
шаклланишида муҳим аҳамиятга эга ҳисобланади. 
Мактабда биология  дарсини ўтишда «Аквариум», «Ғоялар доираси», «Мияга ҳужум», 
«Пресс», «Микрофон» каби интерфаол таълим услублари ўқувчиларда фақат маъруза ша-
клидаги анъанавий дарс услубига нисбатан билимларни ўзлаштиришда юқори самара бе-
риши қайд қилинади [3]. 
Мактабда биология  фани ўқувчиларда атроф-олам ҳақида илмий  тасаввурлар шаклла-
ниши,  одам  организмининг  тузилиши  ва  функцияси,  гигиена  қоидалари,  табиатга  онгли 
муносабатда бўлиш, экологик онг шаклланишида муҳим ўрин тутади. 
Интерфаол дарс услубларининг мақсади – ўқувчиларда ўз-ўзини англаш, ижодий ёнда-

---

185