Dawletmuratov Adilbay Mirzabaevich

Kóz-qaraslar baǵdarı	Tiykarın salıwshılar
Qısqasha mazmunı
“Jasaw ushın qural	D.Rikardo,	Xızmet haqı jasaw zárúr qurallardıń

minimumı” kontsepciyası	T.Maltus	fiziologiyalıq minimumı menen birdey, dep esaplanadı.
Jumıs kúshi qunınıń ózgergen forması	İnglis klassik siyasiy ekono- miya mektebi baǵdardaǵı ekonomistler	Xızmet haqı jumıs kúshi tovar qunınıń puldaǵı kórinisi sıpatında qaralıp, ol jumıs kúshin tákirar islep shıǵarıw ushın zárúr bolǵan tirishilik quralları qunı sıpatında anıqlanadı.
Xızmet haqını miynettiń bahası sıpatında kórsetiw	Zamanagóy ekonomikalıq teoriyanıń kóplegen wákilleri	Xızmet haqı bazarda jumıs kúshine bolǵan talap hám usınıs salıstırması arqalı belgileniwshi miynettiń bahasınan ibarat, dep belgilenedi.

Usı juwmaqlardan keyin xızmet haqınıń mazmunına táriyip berip sonı aytıw múmkin, xızmet haqı – jumısshı hám xızmetshiler miynetiniń muǵdarı, sapası hám ónimdarlıǵına qarap, milliy ónimnen alatuǵın úlesleriniń puldaǵı kórinisi esaplanadı.

Xızmet haqınıń tiykarǵı wazıypası jumısshı hám xızmetshilerdiń turmıs hám miynet sharayatın jaqsılaw, basqasha etip aytqanda, miynet norması menen tutınıw norması ortasındaǵı baylanıstı támiyinlewden ibarat.
Xızmet haqınıń mazmunın tolıǵıraq túsiniw ushın nominal hám real xızmet haqı túsiniklerin biliw zárúr.
Islewshi ushın qanday formada hám qansha muǵdarda xızmet haqı alıw emes, al oǵan qansha muǵdarda tovarlar hám xızmetler satıp alıw múmkinshiligi áhmiyetlirek. Sonlıqtan nominal hám real xızmet haqı bir-birinen parqlanadı. Nominal xızmet haqı - bul málim bir waqıt dawamında alınǵan pul summası yamasa pul formasındaǵı xızmet haqı. Real xızmet haqı – bul nominal xızmet haqıǵa satıp alıw múmkin bolǵan tovarlar hám xızmetler muǵdarı. Basqasha aytqanda, real xızmet haqı – bul nominal xızmet haqınıń “satıp alıw qábileti”¹⁷. Óz-ózinen belgili bolǵanınday, real xızmet haqı nominal xızmet haqıǵa hám satıp alınatuǵın tovarlar hám xızmetlerdiń bahasına baylanıslı. Solay eken, real xızmet haqı basqa sharayatlar birdey bolǵanda, nominal xızmet haqıǵa tuwrı qatnasta hámde tutınıw buyımları hám xızmetler bahasınıń dárejesine keri qatnasta boladı. Bul muǵdarlar salıstırmanı formulada tómendegishe kórsetiw múmkin:


Vn
VR _,