«Dаvоlаsh fаkultetining fаkultet vа gоspitаl tерrаpiya, tibbiy profilaktika fаkultetining ichki kasalliklar kafedrasi»

QIYOSIY TASHXISI

• Buyrak amiloidozini surunkali glomerulonefrit, surunkali pielonefrit, mielom kasalligi bilan solishtirish kerak. Xastalikning nefrotik bosqichida esa diabet glomerulosklerozini va sistemali qizil bo’richani nazarda tutish lozim. Normal yoki kattalashgan buyrak (rentgen va ulьtratovush ma’lumotlari), yuqori proteinuriya, ayniqsa gepato- va splenomegaliya bilan kuzatiladigan surunkali buyrak yetishmovchiligi belgilari amiloidoz mavjudligini ko’rsatadi. Tashxis nefrobiopsiya orqali tasdiqlanadi.

DAVOSI

• Amiloidoz etiologiyasi va patogenezi noaniq bo’lganligi sababli xastalikka qarshi spesifik davo yaratilmagan. Ikkilamchi amiloidozda patologik jarayon vujudga kelishida sababchi bo’lgan kasalliklarni qunt bilan davolash zarur. Parxez taomlar har xil bo’lib, tarkibi oqsil bilan boyitilgan bo’lishi shart. Qabul qilinadigan suyuqlik va osh tuzi miqdori shish mavjudligi yoki yo’qligi bilan belgilanadi.

DAVOSI (davomi)

• Patogenetik davo vositalari sifatida aminoxinolin xosilalari (delagil, plakvenil, rezoxin), antigistamin, yallig’lanishga qarshi moddalar, geparin hamda unitiol (5% li eritma 10 ml dan vena ichiga 20 kun yuboriladi), anabolik gormonlar, jigar ekstraktlari (kampalon, sirepar, vitogepat), immunstimulyator ta’sirli levamizol (dekaris) qo’llaniladi. Nefrotik va azotemik bosqichlarda simptomatik davo tadbirlari olib boriladi.

PROFILAKTIKASI

• Birlamchi ideopatik va irsiy amiloidozning oldini olish tadbirlari aniqlanmagan. Ikkilamchi amiloidoz profilaktikasi – asosiy kasallikni davolashdan iborat.